Ministry of Co-operation: मोदी सरकारचा मोठा निर्णय, ‘नव्या’ मंत्रालयाची निर्मिती; काय असेल या मंत्रालयाचं काम?

‘सहकारातून समृद्धी’ या टॅगलाइननुसार मोदी सरकारने केंद्रात आता स्वतंत्र ‘सहकार मंत्रालय’ (Ministry of Co-operation) तयार केले आहे. सहकार मंत्रालय हे देशातील सहकार चळवळीला बळकटी देण्यासाठी स्वतंत्र प्रशासकीय, कायदेशीर, धोरणात्मक चौकट उपलब्ध करुन देणार आहे.

खरं पाहिल्यास हे मंत्रालय महाराष्ट्राच्या धर्तीवरच निर्माण करण्यात येत आहे. कारण सहकार क्षेत्राचं महत्त्व ओळखून अनेक वर्षांपूर्वीच महाराष्ट्रात हे मंत्रालय तयार करण्यात आलं होतं. आता केंद्रीय पातळीवर सहकार मंत्रालय निर्माण करण्यात आल्याने सहकार क्षेत्राचं महत्त्व अधिक अधोरेखित झालं आहे.

आपल्या देशात सहकार आधारित आर्थिक विकासाचे मॉडेल अतिशय संबंधित आहे जिथे प्रत्येक सदस्य जबाबदारीच्या भावनेने कार्य करतो. हे मंत्रालय सहकारी संस्थांना व्यवसायाची प्रक्रिया सुलभ करण्यासाठी आणि आणि बहु-राज्य सहकारी (MSCS)संस्थांच्या विकासासाठी काम करेल.