शिवसेनेच्या लोकांना महाराष्ट्रात दादागिरीचं लायसन्स मिळालंय का?

काय आहे व्हिडीओमध्ये?

शिवसेनेचा लोगो असलेल्या एका कारमध्ये दोन व्यक्ती पिस्तुल बाहेर काढून दाखवत आहेत. या कारवर शिवसेनेचा लोगो आहे. एमआयएमचे नेते इम्तियाज जलील यांनी सर्वात आधी हा व्हिडीओ पोस्ट केला आहे आणि त्यावर प्रश्न विचारला आहे. तसंच महाराष्ट्राच्या गृहमंत्र्यांनी या घटनेची दखल घ्यावी असंही जलील यांनी म्हटलं आहे. आता हाच व्हिडीओ पोस्ट करून निलेश राणे यांनीही शिवसेनेवर टीका केली आहे.

पाहा व्हिडीओ

चालत्या गाडीतून पिस्तुल दाखवत दादागिरी, गुंडगिरी करणारे कोण? चारचाकी गाडीवर शिवसेनेचे स्टिकर, ही घटना पुणे-मुंबई द्रुतगती महामार्गावरील आहे. शिवसेनेच्या लोकांना दादागिरी करण्याचं लायसन्स आहे की काय महाराष्ट्र मध्ये ?? pic.twitter.com/UAJBbAzVTu

— Nilesh N Rane (@meNeeleshNRane) January 30, 2021

@AnilDeshmukhNCP @DGPMaharashtra @OfficeofUT this is on Pune Mumbai expressway in Maharashtra.! The logo on the vehicle says it all! Shiv Sainiks brandishing revolvers while trying to make way for their vehicle on Friday night. Can HM/ DG take note of this lawlessness.! pic.twitter.com/HIPZF0AN2z

— imtiaz jaleel (@imtiaz_jaleel) January 29, 2021

काय म्हटलं आहे इम्तियाज जलील यांनी?

“मुंबई-पुणे द्रुतगती मार्गावर शुक्रवारी रात्री शिवसैनिक त्यांच्या कारसाठी मार्गक्रमण करत आहेत. त्यावेळी ते रिव्हॉल्वरचं ब्रांडिंग करत होते. गृहमंत्री, पोलीस महानिरीक्षक या अधर्माची दखल घेऊ शकतात. वाहनावर असलेला लोगो सर्व काही सांगून जातो आहे” असं म्हणत जलील यांनी हा व्हिडीओ ट्विट केला होता. तसंच गृहमंत्री आणि पोलीस महानिरीक्षकांनी यामध्ये लक्ष घालावं अशीही मागणी केली आहे. आता यासंदर्भात निलेश राणे यांनीही शिवसेनेवर टीका केली आहे. सोशल मीडियावर हा व्हिडीओ चांगलाच व्हायरल झाला आहे.