ब्लॅक फंगस पुन्हा डोकं वर काढणार? मुंबईत पहिला रूग्ण आढळल्यानंतर काय म्हणत आहेत तज्ज्ञ?

भारतात कोरोनाच्या ओमिक्रॉन व्हेरिएंटचे रूग्ण वाढत आहेत. अशातच काही लोकांना म्युकरमायकोसिस म्हणजेच काळी बुरशी होण्याची भीती सतावते आहे. गेल्या वर्षी कोरोनाच्या दुसऱ्या लाटेत हे दुर्मिळ प्रकारचं इनफेक्शन अनेक लोकांच्या मृत्यूसाठी कारणीभूत ठरलं होतं. म्युकरमायकोसिस, ऑर्गन डिसफंक्शन यावर वेळेवर उपचार न होऊ शकल्याने अनेक लोकांचा मृत्यू झाला. नाकावाटे सायन आणि फुफ्फुसांपर्यंत हा संसर्ग पोहचतो असं त्यावेळी करण्यात आलेल्या अभ्यासात लक्षात आलं होतं.