कारचा अपघात झाल्याचा बनाव करत सोनं लुटलं, ४८ तासांत आरोपी जेरबंद

मिळालेल्या माहितीनुसार, दुचाकीवरुन येणाऱ्या दोघांना कारचा अपघात झाल्याचा बनाव करुन आरोपींनी थांबवलं. यानंतर दोघांनाही दगडाने मारहाण करत आरोपींनी त्यांच्याजवळ असलेलं सोन्याचं बिस्कीट लुटलं आणि घटनास्थळावरुन पोबारा केला. पोलिसांनी या प्रकरणात आरोपी दिपक जावडेकर, अनिल भोसले आणि प्रशांत पाटील यांना अटक केली आहे.

पोलिसांनी या गुन्ह्यातलं ४५ लाख ८१ हजार ५२२ रुपये किमतीचं ९२५ ग्रॅमचं सोन्याचं बिस्कीट ताब्यात घेतलं आहे. पोलिसांनी आरोपींविरुद्ध दरोड्याचा गुन्हा दाखल केला आहे. ही कामगिरी पोलीस अधीक्षक तेजस्वी सातपुते, अप्पर पोलीस अधीक्षक हिम्मत जाधव, उपविभागीय पोलिस अधिकारी राजश्री पाटील यांच्या मार्गदर्शनाखाली केली.

पंढरपूर : पत्नी आणि मुलीचा खून करुन फरार झालेल्या आरोपीला अटक