Pathaan : पठाणचं वादळ कायम; ठरला बॉलिवूडचा सर्वात मोठा चित्रपट

SRK on Pathaan : “मी वैतागलो होतो… इंडस्ट्री सोडून व्यवसाय करणार होतो”

11 व्या दिवशी पठाणची कमाई किती?

शाहरुख खानच्या चित्रपटाने 11व्या दिवशी दुहेरी अंकात कमाई करून तो केवळ रोमान्सचा किंगच नाही तर बॉक्स ऑफिसचा बादशाह असल्याचेही दाखवून दिले आहे. पठाणची 11व्या दिवसाची कमाई अनेक चित्रपटांच्या पहिल्या दिवसाच्या कमाईपेक्षा जास्त आहे. पठाणचे 11व्या दिवसाचे कलेक्शनही समोर आले आहे.

ट्रेंड विश्लेषक रमेश बाला यांच्या मते, पठाणने 11 व्या दिवशी सुमारे 22 कोटी रुपयांचे ऑल इंडिया नेट कलेक्शन केले आहे. वर्किंग दिवसांत पठाणच्या कमाईत थोडीशी घट झाली. मात्र शनिवारच्या सुट्टीचा चांगलाच फायदा पठाणला झाला. पठाणने कमाईत मोठी झेप घेत शनिवारी (4 फेब्रुवारी) जवळपास 22 कोटींची कमाई केली आहे.

400 कोटींच्या पार पठाण

दुसऱ्या आठवड्यात कोणत्याही चित्रपटासाठी एवढा पैसा गोळा करणे खरोखरच इम्प्रेसिव्ह आहे. पठाणचे कलेक्शन रोज चकित करणारे आहे. यासह पठाणने 11 दिवसांत भारतीय बॉक्स ऑफिसवर 400 कोटींचा टप्पा पार करून पुन्हा इतिहास रचला आहे. शनिवारच्या उत्तम कमाईनंतर, रविवारी (5 फेब्रुवारी) चित्रपटाचे कलेक्शन गगनाला भिडण्याची शक्यता आहे.

Pathaan : ‘सेक्स आणि शाहरुख खान…’; नेहा धुपिया असं का म्हणाली?

आमिर खानचा ‘दंगल’ हा भारतीय बॉक्स ऑफिसवर 387 कोटींच्या कलेक्शनसह आतापर्यंतचा सर्वात मोठा बॉलिवूड चित्रपट होता. पण पठाणच्या शनिवारच्या कलेक्शनच्या अंदाजावरून शाहरुखचा पठाण हा आमिर खानच्या दंगलला मागे टाकत भारतीय बॉक्स ऑफिसवर सर्वात मोठा चित्रपट ठरला आहे. पठाणचा डंका जगभरातील बॉक्स ऑफिसवरही वाजत आहे. शाहरुखचा चित्रपट परदेशातही यशाची पताका फडकवत आहे. आता यापुढे पठाण किती कमावतो ते पाहू.