Letter Bomb: प्रताप सरनाईक यांनी उद्धव ठाकरेंशी खासगीत बोलायला हवं होतं-भुजबळ

शिवसेना आमदार प्रताप सरनाईक यांनी त्यांना जो त्रास होतो आहे त्याबाबत मुख्यमंत्री उद्धव ठाकरेंशी खासगीत बोलायला हवं होतं. ईडी, आणि इतर यंत्रणांच्या त्रासामुळेच प्रताप सरनाईक यांचा लेटरबॉम्ब पडला आहे. शरद पवार, एकनाथ खडसे आणि मलाही या ED आणि यंत्रणांनी असाच त्रास दिला. आम्ही ताकदीने उभे राहिलो असं आता छगन भुजबळ यांनी म्हटलं आहे. या लेटरबॉम्बचा सरकारवर काही परिणाम होईल का? असं विचारलं असता भुजबळ म्हणाले ‘शरद पवार, उद्धव ठाकरे आणि सोनिया गांधी जोपर्यंत एकत्र आहेत तोपर्यंत राज्य सरकारला अजिबात धोका नाही.’ असं भुजबळ यांनी म्हटलं आहे.