जिवाची बाजी लावून रूळावरच्या मुलाचे प्राण वाचवणाऱ्या मयुर शेळकेंचा रेल्वे मंत्रालयाकडून सन्मान

मध्य रेल्वेवरील वांगणी स्थानकावर शनिवारी संध्याकाळच्या सुमारास एक मुलगा तोल जाऊन तो मुलगा ट्रॅकवर पडला. यावेळी तिथे असलेल्या पॉईंटमन मयुर शेळके यांनी ही घटना पाहिली आणि क्षणाचाही विलंब न लावता त्याने मुलाच्या दिशेने धाव घेत मुलाला उचलून प्लॅटफॉर्मवर ठेवलं. त्याचप्रमाणे ते स्वतःही तातडीने प्लॅटफॉर्मवर चढले. यानंतर रेल्वेने त्यांना बक्षिस जाहीर केलं असून जावाकडूनही त्यांना नवी कोरी मोटरसायकल भेट म्हणून देण्यात येणार आहे.

Hon'ble Minister Shri @PiyushGoyal announced an award of Rs 50000/- to Shri Mayur Shelke, Pointsman, Vangani Station for the act of bravery, courage & presence of mind on duty.
He saved a life of a child who accidentally fell on the track.

Congratulations to Shri M. Shelke pic.twitter.com/KOD78oZH9R

— Ministry of Railways (@RailMinIndia) April 20, 2021

रेल्वे मंत्रालयाने यासंदर्भात ट्विट केलंय. या ट्विटमध्ये नमूद केल्यानुसार, “मध्य रेल्वेच्या वांगणी स्टेशनवर पॉईंटमन मयुर शेळके यांनी चिमुकल्याचं प्राण वाचवले. मुलाला वाचवण्यासाठी त्यांनी आपला जीव धोक्यात घातला. आम्ही त्यांच्या धाडसाला आणि कर्तव्यदक्षतेला सलाम करतो.”

आमचा एक रेल्वे कर्मचारी मयूर शेळके, ज्याने आपला जीव धोक्यात घालून, आपली जबाबदारी मानून, एका लहान मुलाचे प्राण वाचवले.

त्याचे हे कार्य, आणि त्याचे विचार आपल्यासाठी आणि समाजासाठी प्रेरणा दायक आहेत. संपूर्ण रेल्वे कुटुंबाला त्याचा अभिमान आहे. pic.twitter.com/qEJkF7sDZH

— Piyush Goyal (@PiyushGoyal) April 20, 2021

त्यासोबत पियुष गोयल यांनाही ट्विट केलंय. ते म्हणतात, “मयूर शेळके यांच्या कामगिरीचं मोल बक्षीस किंवा पैशांमध्ये करता येण्यासारखं नाही. मात्र कर्तव्य करत असताना स्वतःच्या कार्याद्वारे मानवतेला प्रेरणा दिल्याबद्दल त्यांचा सन्मान केला जाईल.”

दरम्यान क्लासिक लीजेंड्सचे प्रमुख अनुपम थरेजा यांनी मयूरचा व्हिडीयो ट्विटरवर शेअर केला आहे. तसंच मयुरला त्यांच्या शौर्यासाठी नवीन जावा मोटसायकल देण्याचंही त्यांनी म्हटलंय. महिंद्रा अँड महिंद्रा ब्रँडकडून जावा मोटरसायकल पुन्हा बनवण्यासा सुरुवात केली आहे.