शरद पवार मोठे नेते असले तरी…; शहाजी बापूंनी सांगितलं बारामती लोकसभा मतदारसंघाचं भविष्य

सांगली: राजकारणात शरद पवार हे मोठे नेते असले तरी या देशात डॉ. बाबासाहेब आंबेडकर, इंदिरा गांधी आणि अटल बिहारी वाजपेयी यांचा सुद्धा पराभव झाला होता. त्यामुळे निवडणुकीचा हा महिमा असून कोणाला निवडायचं आणि पराजित करायचं हे जनता ठरवत असते, असं मत आमदार शहाजी बापू पाटील म्हणाले आहेत. सांगली जिल्ह्यातील मिरज येथे शहाजी बापू पाटील हे प्रसारमाध्यमांशी बोलत होते. माजी मुख्यमंत्री वसंतदादा पाटील असताना, शरद पवारांना एक निवडणूक फार घासली होती, हे सुद्धा विसरता येणार नाही असेही बापू यावेळी म्हणाले.