एसटी कर्मचाऱ्यांच्या आंदोलनाची धग ‘सिल्व्हर ओक’पर्यंत; शरद पवारांनी मांडली भूमिका

‘हा फडणवीसांचा कट, सदावर्तेंनाही आम्ही सोडणार नाही’, ST कर्मचारी आणि NCP कार्यकर्ते आमनेसामने

संपकरी एसटी कर्मचाऱ्यांनी सिल्व्हर ओक येथे केलेल्या आंदोलनावर शरद पवार यांनी माध्यमांशी बोलताना त्यांचं मत मांडलं. पवार म्हणाले, “आज जे काही घडलं त्याबद्दल आश्चर्य व्यक्त करण्याचं कारण नाही. नेता शहाणा नसला की, कार्यकर्त्यावर सुद्धा दुष्परिणाम होतो. त्याचं उदाहरण आपण या ठिकाणी पाहिलं आहे.”

“राजकारणामध्ये मतभेद असतात. संघर्ष असतात, पण आज ज्या पद्धतीने महाराष्ट्रात टोकाची भूमिका घेण्याची परंपरा महाराष्ट्राची नाही. गेल्या काही दिवसांपासून आंदोलनाच्या माध्यमातून एसटी कर्मचाऱ्यांना सांगण्याचा प्रयत्न होत होता, तो शोभनीय नव्हता. एसटी कर्मचारी आणि आपला पक्ष (राष्ट्रवादी काँग्रेस) यांचे घनिष्ठ संबंध आहेत. गेल्या ४०-५० वर्षात त्यांचं एकही अधिवेशन माझ्याकडून चुकलं नाही,” असं शरद पवार यांनी सांगितलं.