Sudhir Joshi: बाळासाहेब ठाकरेंचे कट्टर शिवसैनिक सुधीर जोशींचं मुंबईत निधन
मुंबई: शिवसेनेचे ज्येष्ठ नेते सुधीर जोशी यांचं आज (17 फेब्रुवारी) वृद्धपकाळाने निधन झालं. मागील महिन्यात त्यांना कोरोनाची लागण झाल्याने रुग्णालयात दाखल करण्यात आलं होतं. पण त्यातून ते बरे होऊन घरीही परतले होते. मात्र, त्यानंतर इतर व्याधींमुळे त्रस्त होते. त्यांच्यावर औषधोपचार सुरु होते. मात्र, आज दुपारी त्यांनी आपल्या राहत्या घरी अखेरचा श्वास घेतला. मृत्यूसमयी त्यांचं वय […]
ADVERTISEMENT
मुंबई: शिवसेनेचे ज्येष्ठ नेते सुधीर जोशी यांचं आज (17 फेब्रुवारी) वृद्धपकाळाने निधन झालं. मागील महिन्यात त्यांना कोरोनाची लागण झाल्याने रुग्णालयात दाखल करण्यात आलं होतं. पण त्यातून ते बरे होऊन घरीही परतले होते. मात्र, त्यानंतर इतर व्याधींमुळे त्रस्त होते. त्यांच्यावर औषधोपचार सुरु होते. मात्र, आज दुपारी त्यांनी आपल्या राहत्या घरी अखेरचा श्वास घेतला. मृत्यूसमयी त्यांचं वय 81 वर्ष होतं. त्यांच्या निधनाने शिवसेनेने एक सच्चा शिवसैनिक गमावल्याची भावना सध्या व्यक्त केली जात आहे.
सुधीर जोशी हे शिवसेनाप्रमुख बाळासाहेब ठाकरे यांचे अत्यंत विश्वासू सहकारी मानले जायचे. शिवसेनेच्या अगदी सुरुवातीच्या काळापासून ते बाळासाहेबांसोबत होते. त्यामुळे शिवसेनेत त्यांची अनेक महत्वाची भूमिका बजावल्या होत्या.
शिवसेनेच्या स्थापनेपासून बाळासाहेबांसोबत असलेले सुधीर जोशी 1972 साली मुंबईचे महापौर म्हणून विराजमान झाले. यानंतर पदवीधर मतदारसंघाचे आमदार, विधान परिषदेचे विरोधी पक्षनेते म्हणून त्यांनी काम केलं होतं. दरम्यान, युतीची सत्ता आल्यानंतर मुख्यमंत्री म्हणून त्यांचं नाव बरंच चर्चेत होतं. पण अखेर शेवटच्या क्षणी मनोहर जोशी यांच्या गळ्यात मुख्यमंत्री पदाची माळ पडली होती. पण तरीही सुधीर जोशी यांच्यावर शिक्षणमंत्री पदाची जबाबदारी सोपविण्यात आली होती.
शिवसेनेचे ज्येष्ठ नेते सुधीर जोशी जी यांना भावपूर्ण श्रद्धांजली. pic.twitter.com/HnTbkhyYAP
— ShivSena – शिवसेना (@ShivSena) February 17, 2022
…तर बिनधास्त शिवसेना सोडा; निवडणूक निकालावरून उद्धव ठाकरेंनी घेतला शिवसैनिकांचा वर्ग
हे वाचलं का?
