Modis cabinet expansion: मोदी मंत्रिमंडळ विस्ताराची सगळ्यात मोठी न्यूज, प्रकाश जावडेकरांनाही मंत्रिमंडळातून हटवलं!

नुकत्याच हाती आलेल्या बातमीनुसार, भाजपमधील दिग्गज नेते आणि केंद्रीय पर्यावरण मंत्री प्रकाश जावडेकर यांना मंत्रिमंडळातून डच्चू देण्यात आला आहे. वाढतं वय यामुळे प्रकाश जावडेकर यांना मंत्रिपदाचा राजीनामा देण्यात आल्याचं समजतं आहे.

महाराष्ट्रातील भाजपचे ज्येष्ठ नेते असलेले प्रकाश जावडेकर हे राज्यसभा सदस्य आहेत. मागील टर्ममध्ये देखील ते मोदींच्या मंत्रिमंडळात होते. मोदींच्या दुसऱ्या टर्ममधील मंत्रिमंडळात देखील कॅबिनेट मंत्री म्हणून त्यांची निवड करण्यात आली होती. आता जवळजवळ मंत्रिमंडळाला दोन वर्ष पूर्ण झाल्यानंतर त्यामध्ये फेरबदल करण्याचा निर्णय पंतप्रधानांनी घेतला.

यावेळी पंतप्रधान मोदींनी मंत्रिमंडळातील 12 जणांचा राजीनामा घेतला. यामध्ये अनेक ज्येष्ठ मंत्र्यांचा राजीनामा घेण्यात आला आहे. पण यातील सर्वात मोठी गोष्ट म्हणजे प्रकाश जावडेकर यांनाच मंत्रिमंडळातून डच्चू देण्यात आला.