जिल्हा परिषद शाळेला आंतरराष्ट्रीय दर्जा मिळवून देणारे गुरुजी निलंबीत, शिक्षणतज्ज्ञांमध्ये नाराजी

राज्यात मराठी शाळांची बिकट अवस्था हा नेहमी चर्चेचा विषय असतो. मुंबईसारख्या शहरात मराठी शाळा बंद होत चालल्यामुळे नेहमी राजकारण रंगताना दिसतं. परंतू ग्रामीण भागात अनेक मराठी शाळांनी विविध उपक्रम राबवत पालकांची पसंती मिळवली. यातलीच एक शाळा म्हणजे पुणे जिल्ह्यातल्या शिरुर तालुक्यातील वाबळेवाडीतील जिल्हा परिषदेची शाळा. स्थानिक गावकऱ्यांच्या मदतीने बांधण्यात आलेल्या या शाळेचं नाव गेल्या काही वर्षांमध्ये चांगलंच गाजलं. झिरो एनर्जी शाळा म्हणून आंतरराष्ट्रीय दर्जा मिळवणाऱ्या या शाळेचे मुख्याध्यापकच आता वादाच्या भोवऱ्यात सापडले आहेत.

या शाळेच्या मुख्याध्यापकांवर जिल्हा परिषदेने थेट निलंबनाची कारवाई केल्यामुळे शिक्षणतज्ज्ञांमध्ये नाराजीचं वातावरण पसरलं आहे. शिक्षणतज्ज्ञ डॉ. हेरंब कुलकर्णी यांनी सोशल मीडियावर घडलेल्या प्रकाराबद्दल नाराजी व्यक्त करत मुख्याध्यापक वारे गुरुजींच्या समर्थनार्थ एक मोहीम सुरु केली आहे.

जिल्हा परिषदेची शाळा का होती चर्चेत?