Bharat Jodo Yatra : काँग्रेसच्या पोस्टर्सवर राहुल गांधींसोबत पुन्हा झळकले सावरकर
काँग्रेसनं राहुल गांधी यांच्या नेतृत्वाखाली काढण्यात आलेल्या भारत जोडो यात्रेत पुन्हा एकदा वीर सावरकर यांचे फोटो झळकले आहेत. महत्त्वाचं म्हणजे काँग्रेसचे नेते राहुल गांधी आणि वीर सावरकर यांना एकत्र दाखवण्यात आलंय. भारत जोडो यात्रेच्या पोस्टर्समध्ये छेडछाड करण्यात आल्याचं सांगितलं जात आहे. या प्रकरणी आता काँग्रेस गुन्हा दाखल करणार आहे. काँग्रेसची भारत जोडो यात्रा कर्नाटकातून पुढे […]
ADVERTISEMENT
काँग्रेसनं राहुल गांधी यांच्या नेतृत्वाखाली काढण्यात आलेल्या भारत जोडो यात्रेत पुन्हा एकदा वीर सावरकर यांचे फोटो झळकले आहेत. महत्त्वाचं म्हणजे काँग्रेसचे नेते राहुल गांधी आणि वीर सावरकर यांना एकत्र दाखवण्यात आलंय. भारत जोडो यात्रेच्या पोस्टर्समध्ये छेडछाड करण्यात आल्याचं सांगितलं जात आहे. या प्रकरणी आता काँग्रेस गुन्हा दाखल करणार आहे.
काँग्रेसची भारत जोडो यात्रा कर्नाटकातून पुढे जात आहे. गुरुवारी (६ ऑक्टोबर) यात्रेत काँग्रेसच्या अंतरिम अध्यक्षा सोनिया गांधीही सहभागी झाल्या. त्याचवेळी काँग्रेसच्या भारत जोडो यात्रेत वीर सावरकर यांच्यासोबत राहुल गांधींचे पोस्टर्स झळकल्याचा प्रकार समोर आला. हे पोस्टर्स सोशल मीडियावरही व्हायरल झाले आहेत.
राहुल गांधी यांच्यासोबत वीर सावरकर यांचा फोटो असलेले पोस्टर्स भारत जोडो यात्रेदरम्यान झळल्यानं याची दखल काँग्रेसकडून घेण्यात आलीये. काँग्रेसनं या प्रकरणाची माहिती घेतली असून, आता या प्रकरणात तक्रार दाखल करण्याचा निर्णय घेतला आहे. काँग्रेसचे नेते मोहम्मद नलपद यांनी म्हटलंय की, ‘काही खोडसाळ वृत्तीच्या लोकांकडून हे केलं गेलं आहे. काँग्रेसकडून हे पोस्टर्स लावले गेलेले नाहीत. आम्ही याविरोधात मांड्या जिल्हा पोलिसांत तक्रार देऊ.’
हे वाचलं का?
