भाजपच्या संसदीय समितीत सामील झालेल्या एकमेव महिला नेत्या सुधा यादव कोण आहेत?

सुधा यादव यांचा राजकीय प्रवास कधी सुरू झाला?

भाजपने केलेल्या फेरबदलानंतर गडकरी आणि चौहान यांना मंडळातून बाहेर काढण्यामागची कारणे चर्चेत असतानाच मंडळात सामिल झालेल्या डॉ.सुधा यादव या एकमेव महिला सदस्यांचे नाव चर्चेत आहे. चर्चा अशी आहे की सुधा यादव यांच्या आधी, मंडळातील एकमेव महिला सदस्य दिवंगत सुषमा स्वराज होत्या, ज्या 2014 पूर्वी लोकसभेच्या विरोधी पक्षनेत्या होत्या आणि मोदी सरकार स्थापन झाल्यानंतर त्या देशातील पहिल्या महिला परराष्ट्र व्यवहार मंत्री बनल्या होत्या. मग आता सुधा यादव कोण आहेत? त्यांची राजकीय कारकीर्द कशी सुरू झाली असे प्रश्न लोकांना पडले आहेत.

तेव्हा नरेंद्र मोदी हरियाणामध्ये पक्षाचे प्रभारी होते

खरं तर प्रकरण 1999 चं आहे जेव्हा सुधा यादव यांचे नाव पहिल्यांदा नेत्या म्हणून समोर आले होते. कारगिल युद्धानंतर 1999 च्या लोकसभा निवडणुकीत भाजपसमोर सर्वात मोठे आव्हान होते ते राव इंद्रजित सिंग यांच्याशी कसा मुकाबला करायचा, ते काँग्रेसकडून निवडणूक लढवत होते. इंद्रजीत यांच्यासमोर एखाद्या दिग्गज नेत्याला उभे केले पाहिजे, जेणेकरून पक्षाला फायदा होईल आणि हरियाणाच्या भूमीवर तो काँग्रेसला हरवू शकेल, असे पक्षातील सर्व बड्या नेत्यांचे मत होते.

या काळात नरेंद्र मोदी हरियाणाचे पक्ष प्रभारी होते. पक्षाच्या प्रमुख नेत्यांनी त्यांना महेंद्रगडच्या लोकसभेच्या उमेदवाराबद्दल विचारले असता त्यांनी त्यावेळी एकच नाव पुढे केले आणि ते नाव दुसरे तिसरे कोणी नसून डॉ. सुधा यादव यांचे होते.