होळीला रस्त्यात गोंधळ घालाल तर थेट तुरुंगात रवानगी – नागपूर पोलीसांचा इशारा

या पार्श्वभूमीवर नागपूरचे पोलीस आयुक्त अमितेश कुमार यांनी शांतता समितीची बैठक घेतली. यावेळी शहरात कायदा-सुव्यवस्था कायम राखण्यासाठी सर्व घटकांनी मदत करण्याचं आवाहन पोलिसांनी केलं आहे. या बैठकीला नागपूर पोलीस दलातील DCP, ACP आणि सर्व पोलीस ठाण्यांचे पोलीस निरीक्षक हजर होते. तसेच या बैठकीला सर्वधर्मीय नेत्यांचीही उपस्थिती होती.

फेब्रुवारी महिन्यात शहरातील गुन्हेगारीवर नियंत्रण ठेवण्यात पोलिसांना यश मिळालं होतं. फेब्रुवारीत नागपूर शहरामध्ये हत्येचा एकही गुन्हा दाखल झाला नव्हता. परंतू मार्च महिन्यात आतापर्यंत शहरात चार हत्येच्या गुन्ह्यांची नोंद झाली आहे. होळी आणि शब्बे बारातचं निमीत्त साधून समाजातील काही विघातक वृत्ती यावेळी आपलं डोकं वर काढू शकतात. यावर तोडगा म्हणून आज बैठक घेण्यात आली होती.

यावेळी पोलीस आयुक्त अमितेश कुमार यांनी सणाच्या दिवशी कोणत्याही व्यक्तीने रस्त्यात गोंधळ घातला तर त्याला थेट जेलमध्ये टाकलं जाईल असं सांगितलं आहे.