लोकप्रतिनिधी, मंत्री म्हणून तुमची जबाबदारी नाही का? हायकोर्टाचा नवाब मलिकांना प्रश्न

एनसीबीचे संचालक समीर वानखेडे यांचे वडील ज्ञानेश्वर वानखेडे यांनी दाखल केलेल्या अब्रूनुकसानीच्या दाव्याव उत्तर द्या असे निर्देश बॉम्बे हायकोर्टाने राष्ट्रवादी काँग्रेसचे नेते आणि मंत्री नवाब मलिक यांना दिले होते. आजच्या सुनावणी दरम्यान नवाब मलिक यांना हायकोर्टाने प्रश्न विचारला आहे. समीर वानखेडे यांच्यावरिोधात ट्विटरवर अपलोड केलेल्या कागदपत्रांची सत्यता पडताळून पाहिली का? असा प्रश्न कोर्टाने मलिक यांना विचारला आहे. नवाब मलिक यांनी आता अतिरिक्त प्रतिज्ञापत्र सादर करण्याचे निर्देश हायकोर्टाने दिले आहेत. तर ज्ञानेश्वर वानखेडे यांना ट्विट खोटे आहेत हे सिद्ध करण्यासाठी कागदपत्रं सादर कऱण्याचे निर्देश दिले आहेत.