राष्ट्रवादीचे आमदार अण्णा बनसोडेंवर गोळीबार, बनसोडे थोडक्यात बचावले

राष्ट्रवादीचे आमदार अण्णा बनसोडे यांच्यावर दिवसाढवळ्या गोळीबार करण्यात आला आहे. पुण्याजवळच्या पिंपरीत ही घटना घडली आहे. बुधवारी दुपारी 2:30 च्या सुमारास बनसोडे जेव्हा आपल्या चिंचवड येथील कार्यालयात होते तेव्हा त्यांच्या ओळखीचा तानाजी पवार नामक व्यक्ति तेथे आला त्यानंतर एका विषयावरून आमदार बनसोडे आणि पवार यांच्यात वाद झाला. त्यानंतर तानाजी पवार याने आपल्याजवळचे रिव्हॉल्वरर काढले आणि बनसोडेंवर दोन गोळ्या झाडल्या त्या चुकल्याने बनसोडे बचावले. तानाजी तिसरी गोळी झाडणार होता त्याचवेळी बनसोडेंच्या अंगरक्षकांनी त्याला पकडलं.