राष्ट्रवादीचे आमदार अण्णा बनसोडेंवर गोळीबार, बनसोडे थोडक्यात बचावले

या घटनेची माहिती मिळताच पिंपरी पोलीस घटनास्थळी दाखल झाले आणि गोळीबार करणाऱ्या तानाजी पवारला ताब्यात घेतले. आता पोलीस पुढील तपास करत आहेत.

पुण्यात बेरोजगारीला कंटाळून पत्नी आणि मुलाची हत्या करून तरूणाची आत्महत्या

नेमकं काय घडलं? बनसोडेंनी सांगितला घटनाक्रम

गोळीबाराविषयी बोलताना आमदार बनसोडे म्हणाले, ‘अँथनी म्हणून एक कंत्राटदार आहे. मी त्याला ओळखत नाही. तीन साडेतीन वर्षांपासून तो आमच्याकडे काम करतो आहे. त्याचा तानाजी पवार म्हणून एक सुपरवायझर आहे. त्याला माझ्या पीएने फोन केला होता. मागच्या दहा दिवसांपासून त्याला फोन करतोय. दोन मुलं कामाला घे इतकंच त्याला सांगितलं होतं. बोलतानाच त्याने अरेरावी केली, तेवढंच झालं. त्यानंतर तो आज सकाळी आला. माझ्यासोबत त्याचं बोलणं झालं. मी त्याला विषय सोडून द्यायला सांगितलं. त्याच्या मालकालाही मी याबद्दल बोललो. दरम्यान, तो कार्यालयाच्या बाहेर आला आणि त्याने गोळीबारच केला. येताना तो पूर्वनियोजन करुनच आला असावा, कारण त्याने सोबत त्याचा साथीदार, त्याचा मेहुणा होता. त्यांच्याकडेही पिस्तुल होतं’ असं आमदार बनसोडे म्हणाले.

मनसे पदाधिकाऱ्याची हत्या करणाऱ्या आरोपीला उत्तर प्रदेशातून अटक

‘कोणतीही वादावादी झाली नाही. त्याने वाद घातला. मग माझ्या कार्यालयात काही कार्यकर्ते होते. त्यांनी ते बघितलं. त्यांनी त्याला शिवीगाळ केली. त्याने गोळीबार केल्यानंतर मुलांनी त्याला धक्का देऊन खाली पाडलं. नंतर त्याला मारहाण केली. तोपर्यंत त्याने दोन फैरी झाडल्या होत्या. पहिली गोळी माझ्या दिशेनं झाडली. पण, एका मुलाने धक्का मारल्याने ती दुसऱ्या दिशेला गेली. त्याला कुणी पाठवलं होतं, याचा तपास पोलीस करत आहेत. कचऱ्याचा कंत्राटदार जर पिस्तूल बाळगणारे सुपरवायझर ठेवत असेल, तर कसं व्हायचं’ असा सवालही बनसोडे यांनी उपस्थित केला आहे.

अण्णा बनसोडे हे उपमुख्यमंत्री अजित पवार यांचे निकटवर्तीय असून, फडणवीस यांच्या दुसऱ्या कार्यकाळात जेव्हा अजित पवारांनी भाजपासोबत युती केली होती, तेव्हा आमदार अण्णा बनसोडे यांनीही त्यांना पाठिंबा दिलेला होता. अजित पवार यांचे ते विश्वासू आहेत.