वीर सावरकर जयंतीच्या शुभेच्छा देताना भाजपच्या राष्ट्रीय अध्यक्षांनी आणि परराष्ट्र मंत्र्यांनी काय चूक केली?
स्वातंत्र्यवीर विनायक दामोदर सावरकर यांची जयंती 28 मे रोजी पार पडली. मात्र यादिवशी भाजपच्या राष्ट्रीय अध्यक्षांना वीर सावरकरांचं नाव विनायक होतं याचाच विसर पडला. जगत प्रकाश नड्डा हे भाजपचे राष्ट्रीय अध्यक्ष आहेत त्यांनी वीर सावरकर यांच्या जयंतीनिमित्त शुभेच्छा देणारं जे ट्विट केलं त्या ट्विटमध्ये दामोदर सावरकर असं नाव लिहिलं. त्यांचं संपूर्ण नाव विनायक दामोदर सावरकर […]
ADVERTISEMENT
स्वातंत्र्यवीर विनायक दामोदर सावरकर यांची जयंती 28 मे रोजी पार पडली. मात्र यादिवशी भाजपच्या राष्ट्रीय अध्यक्षांना वीर सावरकरांचं नाव विनायक होतं याचाच विसर पडला. जगत प्रकाश नड्डा हे भाजपचे राष्ट्रीय अध्यक्ष आहेत त्यांनी वीर सावरकर यांच्या जयंतीनिमित्त शुभेच्छा देणारं जे ट्विट केलं त्या ट्विटमध्ये दामोदर सावरकर असं नाव लिहिलं. त्यांचं संपूर्ण नाव विनायक दामोदर सावरकर होतं. दामोदर सावरकर हे वीर सावरकर यांचे वडील होते. मात्र जगत प्रकाश नड्डा यांनी वीर दामोरदर सावरकर असा उल्लेख करून ट्विट लिहिलं आहे.
काय म्हणाले आहेत जे.पी. नड्डा ट्विटमध्ये?
महान क्रांतीकारी आणि प्रखऱ देशभक्त, चिंतक, विचारवंत, लेखक, साहित्यित स्वातंत्र्यवीर दामोदर सावरकरजी यांच्या जयंतीनिमित्त त्यांना शत् शत् नमन. राष्ट्राच्या प्रति आपलं सर्वस्व अर्पण करणारे वीर सावरकर हे युगानुयुगे आमच्या प्रेरणेच्या केंद्रस्थानी राहतील.
विशेष बाब म्हणजे भारताचे परराष्ट्र मंत्री एस जयशंकर यांनीही वीर दामोदर सावरकर असंच नाव लिहून त्यांच्या जयंतीच्या शुभेच्छा दिल्या. वीर सावरकरांना भारतरत्न मिळालं पाहिजे त्यांचं योगदान आपल्याला विसरून चालणार नाही असं कायम म्हणणाऱ्या भाजपला वीर सावरकर यांच्या जयंतीच्या दिवशी त्यांच्या नावाचाच विसर पडल्याचं दिसून आलं आहे.
हे वाचलं का?
