कायद्याची थट्टा! पोलीस ठाण्यातच लाथाबुक्क्यांनी आणि पोलिसाच्या पट्ट्याने बेदम मारहाण

पोलीस ठाण्यातच लाथाबुक्क्या आणि पट्ट्याने मारहाण केली जात असेल, तर तक्रार न्याय कुणाकडे मागायचा असा प्रश्न वर्धा जिल्ह्यात घडलेल्या घटनेनं उपस्थित होऊ लागला आहे. फेसबुकवरील पोस्टच्या कारणावरून एका व्यक्तीने पोलिसांच्या कक्षातच तरुणाला लाथाबुक्क्या आणि पट्ट्याने मारहाण केल्याची संतापजनक घटना घडली आहे.

वर्धा जिल्ह्यातील आष्टीच्या पोलीस ठाण्यात ठाणेदारांच्या कक्षामध्येच फिर्यादी मंगेश तायवाडे याला आरोपी राजेश ठाकरेने पोलिसांच्या सुंदरीने मारहाण केली. मारहाणीचा व्हिडिओ व्हायरल झाल्यानंतर पोलीस अधीक्षक प्रशांत होळकर यांनी मारहाण करणाऱ्या आरोपीला अटक केली. याप्रकरणात सहआरोपी म्हणून पोलीस हवालदार विनायक घावट यांना तत्काळ निलंबित करण्यात आलं आहे. अतिरिक्त पोलीस अधीक्षकांनी याबद्दलची माहिती दिली.

काय घडलं?