एकनाथ शिंदेंची ठाकरेंविरुद्ध आणखी एक चाल! १२ आमदारांच्या नियुक्तीबद्दल राज्यपालांना पत्र
शिवसेना पक्षप्रमुख उद्धव ठाकरेंसह महाविकास आघाडीला एकनाथ शिंदे-देवेंद्र फडणवीस आणखी एक धक्का देण्याच्या तयारीत आहे. विश्वसनीय सूत्रांकडून मिळालेल्या माहितीनुसार उद्धव ठाकरे यांच्या नेतृत्वाखालील महाविकास आघाडी सरकारनं केलेली राज्यपाल नामनिर्देशित १२ आमदारांची शिफारस मागे घेण्यासंदर्भात पत्र पाठवलं आहे. जुनी नावं मागे घेऊन शिंदे सरकारकडून आता नवीन नावं पाठवली जाणार आहे. शिवाजी पार्कवरील शिवसेनेच्या दसरा मेळाव्यावरून राजकीय […]
ADVERTISEMENT
शिवसेना पक्षप्रमुख उद्धव ठाकरेंसह महाविकास आघाडीला एकनाथ शिंदे-देवेंद्र फडणवीस आणखी एक धक्का देण्याच्या तयारीत आहे. विश्वसनीय सूत्रांकडून मिळालेल्या माहितीनुसार उद्धव ठाकरे यांच्या नेतृत्वाखालील महाविकास आघाडी सरकारनं केलेली राज्यपाल नामनिर्देशित १२ आमदारांची शिफारस मागे घेण्यासंदर्भात पत्र पाठवलं आहे. जुनी नावं मागे घेऊन शिंदे सरकारकडून आता नवीन नावं पाठवली जाणार आहे.
शिवाजी पार्कवरील शिवसेनेच्या दसरा मेळाव्यावरून राजकीय शिमगा सुरू असतानाच एक महत्त्वाची माहिती समोर आली आहे. विधान परिषदेत राज्यपाल नामनिर्देशित कोट्यातून आता शिंदे-फडणवीस १२ आमदारांची नावं सुचवणार आहे.
महाविकास आघाडी सरकारची शिफारस एकनाथ शिंदेंनी घेतली मागे?
गणेश दर्शनानिमित्त राजकीय नेत्यांच्या भेटीगाठी वाढल्या असून, महाराष्ट्राच्या राजकारणात वेगवेगळ्या चर्चा होऊ लागल्या आहेत. त्यातच आता शिंदे-फडणवीस सरकारने महाविकास आघाडी सरकारकडून राज्यपाल भगतसिंह कोश्यारी यांना केलेली शिफारस मागे घेतली आहे.
मिळालेल्या माहितीनुसार मुख्यमंत्री एकनाथ शिंदे यांनी राज्यपाल भगतसिंह कोश्यारी यांना पत्र पाठवलं आहे. राज्यपाल कोट्यातून विधान परिषदेवर नियुक्त करायच्या १२ आमदारांसंदर्भात हे पत्र आहे. राज्यपाल भगतसिंह कोश्यारी यांना एकनाथ शिंदे यांनी पत्र लिहिलं असून, आधीच्या सरकारने विधान परिषदेवरील राज्यपाल नामनिर्देशित १२ जागांसाठी केलेल्या नावांची शिफारस मागे घेत असल्याचं पत्रात म्हटलं आहे.
हे वाचलं का?
