Mla Disqualification : ठाकरेंच्या आमदारांना ऐकावाच लागणार शिंदेंचा आदेश!
Rahul Narvekar Shiv sena Mla disqualification : विधानसभा अध्यक्षांनी दिलेल्या निकालामुळे उद्धव ठाकरे गटातील आमदारांची आणखी कोंडी झाली आहे. राहुल नार्वेकर यांनी व्हीप महत्त्वाचं भाष्य केलं आहे.
ADVERTISEMENT
Mla Disqualification Verdict Rahul Narvekar uddhav Thackeray vs eknath shinde : शिवसेना आमदार अपात्रता प्रकरणाचा निकाल आला. या निकालाने राजकीय गोंधळ आणखी वाढल्याची चित्र आहे. विधानसभा अध्यक्ष राहुल नार्वेकर यांनी शिंदे गटाला मूळ शिवसेना म्हणून मान्यता दिली आहे. आता याच निकालाने ठाकरेंच्या आमदारांची कोंडी झाली आहे. कारण या आमदारांना शिदेंच्या आदेशाचे पालन करावं लागणार आहे, ते केले नाही तर कारवाईला सामोरं जावं लागेल. हे विधानसभा अध्यक्षांनीच आता स्पष्ट केलं आहे. याचं कारणही स्पष्ट केलं आहे.
विधानसभा अध्यक्ष राहुल नार्वेकर यांनी शिवसेनेचे अधिकृत प्रतोद म्हणून भरत गोगावलेंच्या नियुक्तीला मान्यता दिली आहे. निकाला देताना अध्यक्षांनी असं म्हटलेलं आहे की, शिवसेनेत फूट नाही, तर नेतृत्वावरून वाद निर्माण झाल्याचे दिसते. त्यामुळे इथे १०वे परिशिष्ट लागू होत नाही. त्याचबरोबर बहुमताच्या आधारावर निकाल देताना खरी शिवसेना शिंदेंचीच असल्याचे अध्यक्षांनी स्पष्ट केले.
शिंदेंचा व्हीप ठाकरेंच्या आमदारांना पाळावा लागणार!
विधानसभा अध्यक्षांनी शिवसेनेत फूट पडली आहे आणि दोन गट निर्माण झाले आहे, हे मान्य केलेले नाही. याबद्दल बोलताना राहुल नार्वेकर म्हणाले की, “हा पक्षातंर्गत कलह आहे. विधानसभेत माझ्यापुढे एकच शिवसेना आहे. उद्धव ठाकरेंच्या गटातील आमदारांना भरत गोगावलेंचे निर्देश पाळावेच लागतील.”
हेही वाचा >> सुप्रीम कोर्टाने अवैध ठरवले, तरीही नार्वेकरांनी गोगावलेंना कशी दिली मान्यता?
अध्यक्षांनी एकच शिवसेना असल्याचे स्पष्ट केल्याने एकनाथ शिंदेंचे आदेश पाळणे ठाकरेंच्या आमदारांवर बंधनकारक असणार आहे. भरत गोगावलेंनी बजावलेला व्हीप ठाकरेंच्या आमदारांनी पाळला नाही, तर त्यांना अपात्रतेच्या कारवाईला सामोर जावे लागेल. त्यामुळे आमदारकी जाण्याची टांगती तलवार ठाकरेंच्या आमदारांवर कायम आहे.
हे वाचलं का?
