नवनीत राणांच्या भेटीनंतर चित्रा वाघांचं ट्विट, रावणाचं नाव घेत ठाकरे सरकारवर टीका
अपक्ष खासदार नवनीत राणा (Navneet Ran) आणि अपक्ष आमदार रवी राणा (Ravi Rana) यांनी मुंबईत आल्यानंतर थेट उद्धव ठाकरेंच्या घरासमोरच हनुमान चालीसा म्हणण्याचं आव्हान दिलं होतं. त्यानंतर बराच राजकीय राडा रंगला होता. याच प्रकरणात नवनीत आणि रवी राणा या दोघांनाही अटक करण्यात आली होती. दरम्यान, दोघंही जामीनावर बाहेर आले असून, आज भाजप नेत्या चित्रा वाघ […]
ADVERTISEMENT
अपक्ष खासदार नवनीत राणा (Navneet Ran) आणि अपक्ष आमदार रवी राणा (Ravi Rana) यांनी मुंबईत आल्यानंतर थेट उद्धव ठाकरेंच्या घरासमोरच हनुमान चालीसा म्हणण्याचं आव्हान दिलं होतं. त्यानंतर बराच राजकीय राडा रंगला होता. याच प्रकरणात नवनीत आणि रवी राणा या दोघांनाही अटक करण्यात आली होती. दरम्यान, दोघंही जामीनावर बाहेर आले असून, आज भाजप नेत्या चित्रा वाघ यांनी दोघांची भेट घेतली.
जामीन मिळाल्यानंतर नवनीत राणा या पाठीच्या त्रासामुळे नवनीत राणा यांना लीलावती रूग्णालयात दाखल करण्यात आलं. आज भाजपच्या नेत्या चित्रा वाघ यांनी नवनीत राणांची भेट घेतली. त्यानंतर त्यांनी महाविकास आघाडी सरकारवर निशाणा साधला आहे. फेसबुक पोस्ट लिहून त्यांनी ही टीका केली आहे.
काय म्हणाल्या आहेत चित्रा वाघ?
“खासदार नवनीत राणा यांची आज लीलावती इस्पितळात भेट घेतली.एका महिला खासदाराला ठाकरे सरकारने दिलेली अमानवीय वागणूक ऐकून अंगावर शहारे आले आणि मनात संतापाचा डोंब उसळला. हनुमानाचे नाव ऐकून फक्त रावणच एवढा सूडाने पेटला असेल. नवनीत राणा एकट्या नाहीत आणि अबलाही नाहीत हे विसरू नये सरकारने.”
हे वाचलं का?
