'आता पुढची मुलाखत जेलमध्ये जेलरची घ्या,' निलेश राणेंची संजय राऊतांवर खोचक टीका

संजय राऊत यांनी यापुढे आता जेलमध्ये जेलरची मुलाखत घ्यावी, त्याच्याशिवाय दुसरा पर्याय त्यांच्याकडे उरलेला नाही, अशी खोचक टीका निलेश राणे यांनी राऊतांवर केली आहे.
Nilesh Rane On Sanjay Raut
Nilesh Rane On Sanjay Raut

शिवसेनेचे खासदार संजय राऊत यांची सध्या त्यांच्या ईडीच्या पथकाकडून चौकशी सुरु आहे. सकाळी सात वाजल्यापासून ईडी संजय राऊत यांची चौकशी करत आहे. पत्रा चाळप्रकरणी संजय राऊत यांची चौकशी सुरु असल्याचं बोललं जात आहे. याकारवाईबाबात विविध स्तरावरुन प्रतिक्रिया येत आहेत. सकाळी एकेकाळी सहकारी असलेले रामदास कदम यांनी संजय राऊतांवर टीका केली होती. आता भाजपचे प्रदेश चिटणीस आणि माजी खासदार निलेश राणे यांनी संजय राऊतांवर घणाघाती टीका केली आहे. संजय राऊत यांनी यापुढे आता जेलमध्ये जेलरची मुलाखत घ्यावी, त्याच्याशिवाय दुसरा पर्याय त्यांच्याकडे उरलेला नाही, अशी खोचक टीका निलेश राणे यांनी राऊतांवर केली आहे.

निलेश राणेंचा राऊतांवर घणाघात

शिवसेनेवर नेहमी प्रखर टीका करताना राऊत कुटुंबीय आघाडीवर असतात. मग ते पक्षप्रमुख उद्धव ठाकरे असो अथवा आदित्य ठाकरे. आता राणेंच्या निशाण्यावर संजय राऊत आहे. संजय राऊत यांच्यावर सुरु असलेल्या ईडीच्या कारवाईबाबत बोलताना निलेश राणेंनी संजय राऊतांवर टीका करताना म्हणाले, पत्रा चाळ हा जवळपास १२०० कोटींचा घोटाळा आहे. त्यात संजय राऊत पार्टी आहेत. पण संजय राऊत ईडीच्या चौकशीला सहकार्य करत नसल्याने अधिकारी घरी पोहचले. जर इतका मोठा घोटाळा झाला असेल तर संजय राऊतांना उत्तरे द्यावी लागणार, असं निलेश राणे म्हणाले.

खोचक टीका करत निलेश राणे म्हणाले, ''संजय राऊतांच्या नावाने काय ब्रिटीशांनी प्रमाणपत्र सोडून गेलेत का? की हा आमचा बाब्या आहे. याच्यावर कसलीही कारवाई होता कामा नये, अश्लिल चाळे केले तरी चालतील, महिलांना शिव्या दिल्या तरी चालेल, असा काही प्रमाणपत्र घेऊन आलेत का संजय राऊत, असा सवाल निलेश राणेंनी केला. घरात कारवाई सुरु असताना घराबाहेर शिवसैनिक जमून ईडीच्या विरोधात घोषणा देत आहेत. यावर बोलताना निलेश राणे म्हणाले, संजय राऊतांनी जी भाड्याची लोकं घराबाहेर घोषणा द्यायला उभी केलीत त्यांच्यावर पोलीसांचे बांबू पडल्यास एकही संजय राऊतांचं नाव संध्याकाळी घेणार नाही, असं निलेश राणे म्हणाले.

संजय राऊतांनी जास्त नाटकं करु नका, जी चौकशी होतीय त्याला सहकार्य करा, तरच तुम्हाला याच्यातून मार्ग निघू शकतो, असं राणे म्हणाले. उगाच धुमाकुळ घालायचा प्रयत्न केला तर जेलमध्ये बसून जेलरची मुलाखत घेण्याशिवाय तुमच्याकडे पर्याय उरणार नाही, असा देखील टोला निलेश राणेंनी लगावला आहे.

पत्रा चाळ जमीन प्रकरण काय?

गोरेगावमधील पत्रा चाळ पुनर्विकासासाठी गुरू आशिष कन्स्ट्रक्शननं म्हाडासोबत करार केला होता. करारानुसार गुरू आशिष कन्स्ट्रक्शनला याठिकाणी 3,000 पेक्षा अधिक फ्लॅट बांधायचे होते. या एकूण फ्लॅटपैकी 672 फ्लॅट हे पत्रा चाळीतील रहिवाशांना दिले जाणार होते. उर्वरित फ्लॅट म्हाडा आणि गुरु आशिष फ्लॅटकडे राहणार होते.

पत्रा चाळ प्रकरणात संजय राऊतांचं नावं कसं आलं?

प्रवीण राऊत हे शिवसेना खासदार संजय राऊत यांचे मित्र असून, पीएमसी बँक घोटाळ्याप्रकरणी चौकशी सुरू असताना त्यांचं नावही समोर आले होतं. प्रवीण राऊत यांच्या पत्नी माधुरी यांनी संजय राऊत यांच्या पत्नी वर्षा यांना 55 लाख रुपयांचं बिनव्याजी कर्ज दिल्याचं समोर आलं होतं. या कर्जाच्या रकमेतून राऊत कुटुंबानं दादरमध्ये फ्लॅट खरेदीसाठी केला होता. त्यानंतर ईडीने वर्षा आणि माधुरी राऊत यांचे जबाब नोंदवले होते.

ईडीतील सूत्रांच्या माहितीनुसार 2010 मध्ये प्रवीण राऊत यांना त्याच्या बँक खात्यात इक्विटी आणि जमीन व्यवहाराच्या नावाखाली 95 कोटी रुपये मिळाले होते, तरीही कंपनी प्रकल्प पूर्ण करू शकली नाही आणि कोणतेही उत्पन्न मिळाले नाही.या प्रकरणात ईडीने ज्यांच्या निवासस्थानाची झडती घेतली ते सुजित पाटकर हे प्रवीण राऊत यांचे सहकारी आहेत, तर संजय राऊत यांच्याशी जवळचे संबंध आहेत. पाटकर हे संजय राऊत यांच्या मुलींसह वाईन ट्रेडिंग फर्ममध्ये गेल्या वर्षभरापासून भागीदार आहेत. पाटकर यांच्या पत्नी आणि संजय राऊत यांच्या पत्नीने यापूर्वी अलिबाग येथे संयुक्तपणे जमीन खरेदी केली होती.

या प्रकरणात ईडीने ज्यांच्या निवासस्थानाची झडती घेतली ते सुजित पाटकर हे प्रवीण राऊत यांचे सहकारी आहेत, तर संजय राऊत यांच्याशी जवळचे संबंध आहेत. पाटकर हे संजय राऊत यांच्या मुलींसह वाईन ट्रेडिंग फर्ममध्ये गेल्या वर्षभरापासून भागीदार आहेत. पाटकर यांच्या पत्नी आणि संजय राऊत यांच्या पत्नीने यापूर्वी अलिबाग येथे संयुक्तपणे जमीन खरेदी केली होती.

Related Stories

No stories found.
Mumbai Tak
www.mumbaitak.in