OBC Reservation च्या बैठकीत मंत्रालयात बत्ती गुल, मुख्यमंत्र्यांचं ‘कनेक्शन’ तुटलं

मंत्रिमंडळ बैठकीत ओबीसी आरक्षणाच्या (Obc Reservation) मुद्द्यावर चर्चा सुरू असताना अचानक बत्ती गुल (Power Cut) झाल्याची घटना घडली आहे. व्हीडिओ कॉन्फरन्सिंगद्वारे बैठकीला उपस्थित असलेल्या मुख्यमंत्री उद्धव ठाकरेंशी कनेक्शन तुटलं. त्यामुळे ओबीसी आरक्षणाचा विषय आणि निवडणूक प्रक्रिया कशी राबवायची या चर्चेत खंड पडला.

आज मंत्रिमंडळ बैठक सुरू असताना मंत्रलायातील वीज पुरवठा खंडित झाल्याने ओबीसी आरक्षणावरची चर्चा पूर्ण होऊ शकली नाही.आता मुख्यमंत्र्यांच्या उपस्थितीत सर्व पक्षीय नेत्यांची बैठक घेण्यात येणार आहे. तर वीज पुरवठा खंडित होण्यास ऊर्जा विभाग जबाबदार नाही तर बेस्टची वीज असल्याचा मिश्किल टोला ऊर्जा मंत्री नितीन राऊत यांनी लगावला आहे.