Uddhav Thackeray: 'आदित्य, तेजसही 'काका' बोलायचे तोच माणूस उलटला...', 'त्या' बंडामुळे उद्धव ठाकरे अजूनही...
Uddhav Thackeray: 'आदित्य-तेजस देखील त्यांना काका बोलायचे पण त्याच लोकांनी आमच्याविरोधात बंड केलं.' असं म्हणत उद्धव ठाकरे हे धाराशिवमधील सभेत भावूक झाले. वाचा ठाकरे भाषणात नेमकं काय म्हणाले.
ADVERTISEMENT
Uddhav Thackeray: धाराशिव: मुख्यमंत्री एकनाथ शिंदेंनी केलेलं बंड आणि त्यानंतर शिवसेना हा पक्षच ताब्यात घेणं हे उद्धव ठाकरे यांच्या अत्यंत जिव्हारी लागलं आहे. याच मुद्द्यावरून ते सातत्याने टीका करत आहेत. पण आज (8 मार्च) धारशिव जिल्ह्यातील कळंबमध्ये घेतलेल्या जाहीर सभेत याचबाबतची अस्वथतता पुन्हा एकदा बाहेर आली आहे. (aditya tejas also used to call him uncle but same people rebelled against us saying this uddhav thackeray became emotional shiv sena eknath shinde)
आतापर्यंत उद्धव ठाकरेंनी बंड करणाऱ्या आमदार आणि खासदारांवर बऱ्याचदा जहरी टीका केली आहे. मात्र, आज भाषणात त्यांनी त्यांच्या मनातील खंत बोलून दाखवताना आदित्य ठाकरे आणि तेजस ठाकरेंचा देखील उल्लेख केला.
हे ही वाचा> 'लोकसभेच्या उमेदवारीसाठी नार्वेकरांनी...', ठाकरेंच्या विधानाने खळबळ
'घरातील कुटुंबीयांसारखं मी त्यांच्याशी वागलो. अगदी आदित्य काय, तेजस काय.. ते सुद्धा काका-काका बोलत होते. आम्हाला तो एक धक्का होता की, अरे... आपल्या घरातील माणूस एवढा उलटा फिरू शकतो?' असं म्हणत उद्धव ठाकरे यावेळी काहीसे भावूक झाल्याचंही दिसून आलं.
...अन् उद्धव ठाकरे झाले भावूक
'काही जणांना मी माझ्या लहानपणापासून बघत आलोय. काही जणांना त्यांच्या लहानपणापासून बघत आलोय. शिवसेनाप्रमुखांनी त्यांना भरभरून दिलं. आम्ही त्यांना भरभरून दिलं.. घरातील कुटुंबीयांसारखं मी त्यांच्याशी वागलो. अगदी आदित्य काय, तेजस काय.. ते सुद्धा काका-काका बोलत होते.'
हे वाचलं का?
