विधानसभेच्या विरोधी पक्षनेतेपदी अजित पवारांच्या नावाची घोषणा

विरोधी पक्षनेता हा लोकांची न्यायबाजू मांडत असतो आणि लोकांचा आवाज सरकारपर्यंत पोहोचवत असतो. अजित पवाराच्या अभिनंदन प्रस्तावावर भाषण करताना एकनाथ शिंदे म्हणाले ”सभागृहात लोकशाहीचा परिणाम पाहायला मिळत आहे. अजित पवारांनी चार वेळा उपमुख्यमंत्री पद तर अर्थमंत्री पद सांभाळलेले आहे.” असे शिंदे म्हणाले.

अजित पवार यांनी ७ वेळा बारामतीचे आमदार म्हणून काम केले आहे. त्यांनी बारामतीचे विकास मॉडेल विकसीत केले. अजित पवार यांनी जेव्हा राजकारणात प्रवेश केला, तेव्हा अजित पवार यांच्यासमोर अनेक दिग्गज नेते होते. मात्र शरद पवार यांच्यानंतर राष्ट्रवादीचे सर्वमान्य नेतृत्व होण्याची किमया अजित पवारांनी केली आहे. आम्ही ७२ तासांचे सरकारमधील सहकारी देखील होतो असे देवेंद्र फडणवीस म्हणाले आहेत.