विधानसभेत SIT ची घोषणा दुसरीकडे मनोज जरांगेंकडून तात्काळ दिलगिरी?, नेमकं...
Manoj Jarange: मराठा आंदोलक मनोज जरांगेंविरोधात एसआयटीची घोषणा होताच अवघ्या काही तासात जरांगेंनी फडणवीसांबाबत केलेल्या विधानविषयी दिलगिरी व्यक्त केली आहे.
ADVERTISEMENT
बातम्या हायलाइट
मनोज जरांगेंंची तात्काळ दिलगिरी
जरांगेंच्या चौकशीसाठी SIT
फडणवीसांबाबत काय म्हणालेले जरांगे?
Manoj Jarange apologized on Devendra Fadnavis: मुंबई: मराठा समाजाला ओबीसीमधून आरक्षण मिळावं या मागणीसाठी मनोज जरांगे यांनी अत्यंत आक्रमकपणे उपमुख्यमंत्री देवेंद्र फडणवीस यांच्यावर टीका केली होती. तसेच त्यांना काही अपशब्द देखील वापरले होते. याशिवाय सरकारबाबतही बोलताना त्यांनी शिवीगाळ केली होती. हे सगळं होत असतानाच आज (27 फेब्रुवारी) सरकारने अधिवेशनात थेट जरांगे यांच्याविरोधात SIT स्थापन करण्याचे आदेश दिले. या घोषणेला काही तास होत नाही तोच मनोज जरांगे यांनी माध्यमांसमोर येत तात्काळ दिलगिरी व्यक्त केली. (as soon as the sit was announced manoj jarang immediately apologized what is really happening in the maratha reservation movement devendra fadnavis)
मनोज जरांगे हे उपोषणादरम्यान, अनेकदा सत्ताधाऱ्यांबाबत अपशब्द वापरत असल्याचं पाहायला मिळालं होतं. याचबाबत भाजप आमदार आशिष शेलार यांनी विधानसभेत मुद्दा उपस्थित करत जरांगेंवर कारवाईची मागणी केली. ज्याबाबत विधानसभा अध्यक्ष राहुल नार्वेकर यांनी सरकारला SIT स्थापन करण्याचे आदेश दिले. त्यानंतर गृहमंत्री देवेंद्र फडणवीस यांनी विधानसभेत या प्रकरणाची चौकशी केली जाईल. असं जाहीर केलं.
दरम्यान, विधानसभेत करण्यात आलेल्या या घोषणेनंतर काही तासातच मनोज जरांगे यांनी तात्काळ दिलगिरी व्यक्त केली.
मनोज जरांगेंची तात्काळ दिलगिरी..
'देवेंद्र फडणवीस साहेबांची ती किमया होती.. नेटवर्क सगळं बंद करणं.. लोकांमध्ये काही तरी वातावरण पसरून देणे.. काही तरी घडलं पाहिजे असं.. पण मी काही घडू देत नाही. मी शांतता भंग होऊ देणार नाही.. मी त्यांचा डाव हाणून पाडणार. शांततेत आंदोलन सुरू राहील. सग्यासोयऱ्याची अंमलबजावणी होईपर्यंत आंदोलन सुरू राहील.'
हे वाचलं का?
