BMC Mayor: पाहा मुंबई महापालिकेत कोण होणार महापौर?, 'या' प्रवर्गासाठी निघालं आरक्षण
BMC Mayor Reservation: राज्यातील महापालिका निवडणुका पार पडल्यानंतर आज (22 जानेवारी) नगरविकास खात्याकडून महापालिकांमधील महापौर पदासाठी आरक्षण सोडत जाहीर करण्यात आली. जाणून घ्या मुंबई महापालिकेतील महापौर पद हे कोणत्या प्रवर्गासाठी आरक्षित झालं आहे.
ADVERTISEMENT
मुंबई: महाराष्ट्रातील स्थानिक स्वराज्य संस्थांच्या निवडणुका नुकत्याच पार पडल्या असून, राज्यातील तब्बल 29 महानगरपालिकांमधील महापौर पदासाठीची आरक्षण सोडत आज (22 जानेवारी) पार पडली. नगरविकास खात्याकडून ही सोडत जाहीर करण्यात आली. ज्यामध्ये मुंबईसह सर्वच महापालिकांच्या महापौर पदासाठी सोडत जाहीर केली गेली.
मुंबई महापालिकेत महापौर पद नेमकं कोणासाठी आरक्षित?
मुंबई महापालिका निवडणुकीचा निकाल जाहीर झाल्यापासून मुंबईत महापौर नेमका कोणाचा होणार याकडे सर्वांचं लक्ष लागून राहिलं होतं. पण त्याआधी महापौर पदासाठी जी सोडत निघते त्यात नेमकं कोणतं आरक्षण जाहीर होतं यावर बऱ्याच गोष्टी अवलंबून होत्या. त्यानुसार आज आरक्षण सोडत जाहीर झाली आणि मुंबईत नेमका कोणत्या प्रवर्गाचा महापौर होणार हे स्पष्ट झालं.
जाहीर केलेल्या आरक्षण सोडतीनुसार मुंबईचं महापौर पद हे खुल्या (Open) प्रवर्गातील महिलांसाठी राखीव झालं आहे. त्यामुळे मुंबईचा महापौर ही एक महिला असणार आहे.
| महापालिका | आरक्षण कोणासाठी | कोणासाठी आरक्षित |
| मुंबई महापालिका | खुला प्रवर्ग | महिलांसाठी आरक्षित |
नगरविकास राज्यमंत्री माधुरी मिसाळ यांच्या अध्यक्षतेखाली मंत्रालयातील परिषद सभागृहात ही सोडत जाहीर करण्यात आली. या आरक्षणासाठी 2011 च्या जनगणनेचा आधार घेण्यात आलाय.
पाहा 29 महापालिकांमधील महापौर पद कोणासाठी आरक्षित
- कल्याण-डोंबिवली महानगर पालिका - ST (अनुसुचित जमाती प्रवर्गासाठी राखीव) - सर्वसाधारण
- ठाणे - SC (अनुसुचित जाती प्रवर्गासाठी राखीव) - सर्वसाधारण
- जालना - SC (अनुसुचित जाती प्रवर्गासाठी राखीव)- महिलांसाठी
- लातूर - SC (अनुसुचित जाती प्रवर्गासाठी राखीव) - महिलांसाठी
- पनवेल - OBC (इतर मागास वर्ग प्रवर्गासाठी राखीव) - सर्वसाधारण
- अकोला - OBC (इतर मागास वर्ग प्रवर्गासाठी राखीव) - महिलांसाठी
- अहिल्यानगर - OBC (इतर मागास वर्ग प्रवर्गासाठी राखीव) - महिलांसाठी
- उल्हासनगर - OBC (इतर मागास वर्ग प्रवर्गासाठी राखीव) - सर्वसाधारण
- कोल्हापूर - OBC (इतर मागास वर्ग प्रवर्गासाठी राखीव) - सर्वसाधारण
- चंद्रपूर - OBC (इतर मागास वर्ग प्रवर्गासाठी राखीव) - महिलांसाठी
- इचलकरंजी - OBC (इतर मागास वर्ग प्रवर्गासाठी राखीव) - सर्वसाधारण
- जळगाव - OBC (इतर मागास वर्ग प्रवर्गासाठी राखीव) - महिलांसाठी
- मुंबई - Open (खुला प्रवर्ग) - महिलांसाठी
- नवी मुंबई - Open (खुला प्रवर्ग) - महिलांसाठी
- मीरा-भाईंदर - Open (खुला प्रवर्ग) - महिलांसाठी
- पुणे - Open (खुला प्रवर्ग) - महिलांसाठी
- पिंपरी-चिंचवड - Open (खुला प्रवर्ग) - सर्वसाधारण
- सांगली - Open (खुला प्रवर्ग) - सर्वसाधारण
- सोलापूर - Open (खुला प्रवर्ग) - सर्वसाधारण
- छ. संभाजीनगर - Open (खुला प्रवर्ग) - सर्वसाधारण
- नाशिक - Open (खुला प्रवर्ग) - महिलांसाठी
- नागपूर - Open (खुला प्रवर्ग) - महिलांसाठी
- नांदेड - Open (खुला प्रवर्ग) - महिलांसाठी
- वसई-विरार - Open (खुला प्रवर्ग) - सर्वसाधारण
- धुळे - Open (खुला प्रवर्ग) - महिलांसाठी
- मालेगाव - Open (खुला प्रवर्ग) - महिलांसाठी
- भिवंडी - Open (खुला प्रवर्ग) - सर्वसाधारण
- अमरावती - Open (खुला प्रवर्ग) - सर्वसाधारण
- परभणी - Open (खुला प्रवर्ग) - सर्वसाधारण