Mazi Ladki Bahin Yojana: पुण्यात 'लाडकी बहीण'वरून वाद का पेटलाय?, 'तो' फोटो अन्..

तर झालं असं की पुणे शहरात भाजप आमदार सिद्धार्थ शिरोळेंनी 'लाडकी बहीण' योजनेची मार्केटिंग करणारे बॅनर लावलेत, याबद्दलचे फोटोही शिरोळेंनी फेसबुकवर शेयर केलाय. परंतु बॅनरवर ज्या दोन महिला दिसताहेत, त्यांनी पोलिसांत धावत घेतली.

हे ही वाचा>> Akola MNS: मनसेला हादरवणारी बातमी, अमोल मिटकरींची गाडी फोडणाऱ्या मनसे कार्यकर्त्याचा मृत्यू!

'आमचा फोटो कुणी काढला, तो बॅनरवर लावला कसा? हे आम्हाला माहिती नाही, तो आमदार कोण आहे? हे देखील आम्हाला माहिती नाही, अशी रोखठोक भूमिका घेत तक्रारदार महिलेने या प्रकरणात कारवाई करण्याची मागणी केलीय. 

महिलांचे फोटो परवानगी शिवाय वापरण्यात आले असतील तर ही नक्की गंभीर बाब आहे, तक्रारदार महिला भगीरथीबाई कुरणे यांचा फोटो तर वापरलाच शिवाय नम्रता कावळे या महिलेचाही फोटो बॅनरवर लावण्यात आलाय. या घटनेमुळं त्यांचं प्रकरण तर कौंटुबिंक भांडणापर्यंत गेलंय, गोष्ट घटस्फोटापर्यंत जाऊ शकते, असं त्या सांगत आहेत.

हे ही वाचा>> चित्रा वाघ यांची 'ऑडिओ क्लिप'.. विद्या चव्हाणही भिडल्या, नेमकं काय घडलं?

ज्या बॅनरवर फोटो लावण्यात आले, त्यावर या दोन्ही महिलांनी आक्षेप घेतलाय. ज्यांच्याविरोधात तक्रार दाखल झाली, त्या आमदार सिद्धार्थ शिरोळेंनीही मौन धारण केल्यानं या प्रकरणातील गूढ आणखी वाढलंय. त्यामुळं आता या तक्रारींवर पुणे पोलीस काय कारवाई करणार याकडे सर्वांचं लक्ष लागलं आहे.