Maharashtra Rajya Sabha Election: अशोक चव्हाणांचा राजीनामा अन् काँग्रेसचं सगळं गणितच बिघडलं, समजून घ्या नेमकं कसं
Maharashtra Rajya Sabha Election Detail: महाराष्ट्रातील राज्यसभेच्या 6 जागांसाठी 27 फेब्रुवारी रोजी मतदान होणार आहे. आतापर्यंतच्या समीकरणानुसार काँग्रेस एक जागा घेणार असून उर्वरित 5 पैकी 3 भाजप, 1 शिंदे गट आणि 1 अजित पवार गट घेणार आहे.
ADVERTISEMENT
Maharashtra Rajya Sabha Election Congress: मुंबई: महाराष्ट्र काँग्रेसचे ज्येष्ठ नेते आणि माजी मुख्यमंत्री अशोक चव्हाण यांनी अचानक काँग्रेस पक्ष सोडण्याचा निर्णय घेतला आहे. त्यामुळे काँग्रेसला मोठा धक्का बसला आहे. पण याशिवाय आणखी एका गोष्टीवर त्यांच्या राजीनाम्याचा परिणाम होऊ शकतो. (congress in double trouble due to ashok chavans resignation in maharashtra not only lost its leader but also lost a rajya sabha seat understand arithmetic)
एकेकाळी महाराष्ट्रात काँग्रेस आणि सरकारचे नेतृत्व करणारे अशोक चव्हाण हे जनमानसाचे नेते मानले जातात. नांदेड मतदारसंघाची धुरा सांभाळणारे अशोक चव्हाण यांच्या जाण्याने काँग्रेसने एक मोठा नेता गमावला आहेच, शिवाय राज्यसभेची एक जागाही गमावली आहे.
काँग्रेस फुटली तर भाजप जिंकेल चौथी जागा!
वास्तविक, महाराष्ट्रातील राज्यसभेच्या 6 जागांसाठी 27 फेब्रुवारीला मतदान होणार आहे. आतापर्यंतच्या समीकरणानुसार काँग्रेस एक जागा घेणार असून उर्वरित 5 पैकी 3 भाजप, 1 शिंदे गट आणि 1 अजित पवार गट घेणार आहे. मात्र आता खेळ बदलत असून, अशोक चव्हाण यांचा राजीनामा आणि काही आमदारांनी साथ सोडल्याचा दावा केल्याने भाजपचा चौथा उमेदवार मैदानात उतरू शकतो. अशोक चव्हाण हे भाजपचे चौथे उमेदवार असू शकतात, अशी अटकळ बांधली जात आहे.
हे वाचलं का?
ADVERTISEMENT
हे ही वाचा>> देशमुख-शिंदेही देणार धक्का?, बावनकुळेंचं मोठं विधान
महाराष्ट्राचे समीकरण
महाराष्ट्रात राज्यसभेच्या एका जागेसाठी 42 आमदारांची आवश्यकता आहे. तर काँग्रेसचे 45 आमदार होते. त्यापैकी अशोक चव्हाण यांनी आज (12 फेब्रुवारी) राजीनामा दिला आहे. तर सुनील केदार यांना अपात्र ठरवण्यात आले आहे. अशा स्थितीत दाव्याप्रमाणे अशोक चव्हाण 10-12 आमदारांना सोबत घेऊन जाणार असतील, तर काँग्रेससाठी राज्यसभेची जागा जिंकणे कठीण होईल. या ठिकाणी भाजपचा चौथा उमेदवार विजयी होणार आहे. म्हणजे 2022 च्या निवडणुकीत भाजपला अपेक्षेपेक्षा एक जागा जास्त मिळू शकते.
हे ही वाचा>> 'काँग्रेस ही अजरामर म्हातारी ती कधीच मरणार नाही'
अशी जिंकू शकते काँग्रेस...
अलीकडच्या काळात झालेल्या बहुतांश निवडणुकांमध्ये क्रॉस व्होटिंग भाजपच्या बाजूने झाले आहे. अशा परिस्थितीत काँग्रेसच्या समर्थनार्थ क्रॉस व्होटिंग होण्याची शक्यता नाही. उद्धव ठाकरे गटाच्या शिवसेनेला 17 आमदारांचा पाठिंबा आहे, पण व्हिप एकनाथ शिंदे गटाकडे आहे, कारण निवडणूक आयोगाने त्या गटालाच खरी शिवसेना मानली आहे. म्हणजे उद्धव गटाकडून पाठिंबा मिळू शकत नाही. आता आपण येऊया शरद पवारांकडे. शरद पवार यांच्या गटाकडे 12 आमदार आहेत. राष्ट्रवादी काँग्रेस अजित पवार यांच्याकडे गेली असली तरी व्हीपबाबत सभापतींनी अद्याप निर्णय घेतलेला नाही. यावर विलंब झाला आणि शरद पवारांचे आमदार काँग्रेससोबत गेले तर काँग्रेसला ही जागा जिंकता येईल.
ADVERTISEMENT
ADVERTISEMENT