धर्मेंद्र प्रधान यांनी देशाच्या शैक्षणिक क्षेत्रात महत्त्वपूर्ण सुधारणा केल्या : देवेंद्र फडणवीस
devendra fadnavis first reaction on dharmendra pradhan resignation : केंद्रीय शिक्षणमंत्री धर्मेंद्र प्रधान यांच्या राजीनाम्यानंतर मुख्यमंत्री देवेंद्र फडणवीस यांनी त्यांच्या कार्याचे कौतुक केले. राष्ट्रहिताला प्राधान्य देत त्यांनी घेतलेला निर्णय भाजप कार्यकर्त्याचे वैशिष्ट्य असल्याचे फडणवीस म्हणाले.
ADVERTISEMENT
बातम्या हायलाइट
"धर्मेंद्र प्रधान यांनी शिक्षण क्षेत्रात मोठे बदल घडवले"
राष्ट्रहितासाठी दिलेला राजीनामा भाजप कार्यकर्त्याची ओळख : देवेंद्र फडणवीस
devendra fadnavis first reaction on dharmendra pradhan resignation :केंद्रीय शिक्षणमंत्री धर्मेंद्र प्रधान यांनी आपल्या पदाचा राजीनामा दिल्यानंतर महाराष्ट्राचे मुख्यमंत्री देवेंद्र फडणवीस यांनी त्यांच्या कार्याचे कौतुक करत प्रतिक्रिया व्यक्त केली आहे. देशाच्या शिक्षण क्षेत्रात अनेक महत्त्वपूर्ण सुधारणा घडवून आणण्याचे काम धर्मेंद्र प्रधान यांनी केले असल्याचे फडणवीस म्हणाले. राष्ट्रीय शिक्षण धोरणाची अंमलबजावणी करण्यात त्यांची महत्त्वाची भूमिका होती. तसेच पीएम श्री शाळा, आयआयटींचा परदेशात विस्तार आणि प्रवेश परीक्षांचा 19 भाषांमध्ये विस्तार अशा अनेक सुधारणांमुळे देशाच्या शैक्षणिक क्षेत्राला नवी दिशा मिळाल्याचे त्यांनी नमूद केले.
हेही वाचा : 'महाराष्ट्राच्या पोरानं दिल्ली हादरवून ठेवली...' दिपकेंची सावलीसारखी साथ देणारा मित्र
धर्मेंद्र प्रधान यांना संपूर्ण भाजप परिवाराचा पाठिंबा - फडणवीस
"धर्मेंद्र प्रधान यांनी व्यापक समाजहितासाठी असलेली आपली बांधिलकी सिद्ध करत आज आपल्या पदाचा राजीनामा दिला असल्याचे देवेंद्र फडणवीस यांनी म्हटले. राष्ट्रहिताला वैयक्तिक हितापेक्षा अधिक महत्त्व देणे हीच भारतीय जनता पक्षाच्या खऱ्या कार्यकर्त्याची ओळख आहे." असं फडणवीस यांनी आपल्या प्रतिक्रियेत स्पष्ट केले. "समूचा भाजपा परिवार उनके साथ है," असे म्हणत फडणवीस यांनी धर्मेंद्र प्रधान यांना संपूर्ण भाजप परिवाराचा पाठिंबा असल्याचेही सांगितले.
हेही वाचा : Inside Story: CM फडणवीसांना तडकाफडकी बोलावलं दिल्लीला, पण या मीटिंगची आतली कहाणी भलतीच!