Mazi Ladki Bahin Yojana: 'तुमची 'लाडकी बहीण' योजना थांबवू...', सुप्रीम कोर्ट शिंदे सरकारवर एवढं का संतापलं!
Supreme Court on Mazi Ladki Bahin Yojana: राज्यातील माझी लाडकी बहीण ही योजना थांबवण्याचे आदेश देऊ असं म्हणत सुप्रीम कोर्टाने शिंदे सरकारला एका प्रकरणातील सुनावणी दरम्यान खडे बोल सुनावले आहेत.
ADVERTISEMENT
Mazi Ladki Bahin Yojana: नवी दिल्ली: राज्यातील माझी लाडकी बहीण ही योजना सध्या बरीच चर्चेत आहेत. ज्यामध्ये महिलांना दरमहा 1500 रुपये देण्यात येणार आहे. त्यामुळे राज्य सरकारच्या तिजोरीवर कोट्यवधी रुपयांचा भार पडणार आहे. पण असं असलं तरीही सरकार या योजनेची अंमलबजावणी करण्यावर ठाम आहे. पण असं असताना आता थेट सुप्रीम कोर्टाने एका प्रकरणातील सुनावणी दरम्यान टिप्पणी करताना लाडकी बहीण योजनाच बंद करू अशी तंबी शिंदे सरकारला दिली आहे. (give reasonable compensation to person who lost land then it will order stoppage of schemes like mazi ladki behin yojana supreme court warns shinde government)
'...तर 'लाडकी बहीण' योजना बंद करू,' कोर्ट संतापलं
सर्वोच्च न्यायालयाने आज (13 ऑगस्ट) महाराष्ट्र सरकारला एका प्रकरणात योग्य नुकसानभरपाईची रक्कम न दिल्याबद्दल चांगलेच फटकारले. ज्यामध्ये राज्य सरकारने सुमारे 6 दशकांपूर्वी राज्य सरकारने एका व्यक्तीच्या जमिनीवर बेकायदेशीरपणे कब्जा केला होता आणि त्या बदल्यात त्याला अधिसूचित वनजमीन देण्यात आली होती. याच प्रकरणातील सुनावणी दरम्यान, कोर्टाने संताप व्यक्त करताना थेट 'माझी लाडकी बहीण' योजना बंद करू असा इशाराच सरकारला दिला.
हे ही वाचा>> Ladki Bahin Yojana : लाडक्या बहिणींना एक शेवटची संधी, नाहीतर अर्ज होणार बाद!
कोर्टाने कठोर शब्दात ताकीद देताना म्हटलं की, 'राज्य सरकारने जमीन गमावलेल्या व्यक्तीला योग्य मोबदला दिला नाही, तर ते "लाडकी बहीण" सारख्या योजना थांबवण्याचे आदेश देईल आणि बेकायदेशीरपणे संपादीत केलेल्या जमिनीवर करण्यात आलेले बांधकाम पाडण्याचेही निर्देश देईल.'
'जर आम्हाला जमीन मोबदला रक्कम योग्य वाटली नाही तर आम्ही राष्ट्रहित असो वा सार्वजनिक हिताचे असो...आम्ही त्या जमिनीवरील वास्तू पाडण्याच्या सूचना देऊ. तसेच आम्ही तुमच्या सर्व लाडक्या बहिणी… लाडका भाऊ या योजनांबाबतही निर्देश देऊ.' असंही कोर्ट यावेळी म्हणालं.
हे वाचलं का?
