विजेचा धक्का बसलेल्या भाचीला वाचवायला गेलेल्या मामासह चुलत बहिणीचा मृत्यू, संपूर्ण जळगाव हळहळलं

मृतांमध्ये साबीर खान नवाज खान (वय 35) आणि त्यांची मुलगी आलिया साबीर खान (12) यांचा समावेश असून जखमी मुलीचे नाव फातिमा मारिया (9) आहे. फातिमाला तत्काळ खासगी रुग्णालयात हलवण्यात आले असून ती उपचार घेत आहे.

हेही वाचा : जामखेड : नृत्यांगणा दिपाली पाटीलची लॉजवर गळफास घेऊन आत्महत्या, भाजप नेता मुख्य आरोपी असल्याने खळबळ

स्थानिकांच्या माहितीनुसार, फातिमा सकाळी घराबाहेर लोखंडी वस्तू घेऊन खेळत होती. खेळता–खेळता ही वस्तू शेजारील विद्युत वाहिनीला स्पर्श झाली आणि क्षणार्धात विजेचा प्रचंड प्रवाह तिच्या अंगावर उतरला. फातिमा ओरडल्याचा आवाज घरात पोहोचताच तिचे मामा साबीर खान घराबाहेर धावत आले. भाचीला विजेच्या तडाख्यातून बाहेर काढण्यासाठी त्यांनी तिला पकडण्याचा प्रयत्न केला. मात्र विजेचा तीव्र प्रवाह त्यांच्या अंगावरूनही गेला आणि ते काही अंतरावर फेकले गेले.