आंदोलन मागे घेण्याची घोषणा, पण आधी सरकारला काय मान्य करावं लागलं?
JP Nadda announces government accepts protesters demands : आंदोलनादरम्यान दाखल झालेले गुन्हे मागे घेण्यासह प्रमुख मागण्या सरकारने मान्य केल्याची माहिती भाजप नेते जे. पी. नड्डा यांनी पत्रकार परिषदेत दिली. त्यानंतर आंदोलनकर्त्यांना शांततेत आंदोलन मागे घेण्याचे आवाहन करण्यात आले.
ADVERTISEMENT
बातम्या हायलाइट
आंदोलन मागे घेण्याची घोषणा
पण आधी सरकारला काय मान्य करावं लागलं?
JP Nadda announces government accepts protesters demands : सरकार आणि आंदोलनकर्त्यांच्या प्रतिनिधींमध्ये झालेल्या सविस्तर चर्चेनंतर आंदोलनकर्त्यांनी मांडलेल्या प्रमुख मागण्या सरकारने स्वीकारल्याची घोषणा भाजपचे राष्ट्रीय अध्यक्ष जे. पी. नड्डा यांनी पत्रकार परिषदेत केली. त्यांनी सांगितले की, आंदोलनकर्त्यांनी सरकारसमोर लेखी मसुदा सादर केला होता. त्यामध्ये आंदोलनादरम्यान दाखल करण्यात आलेल्या गुन्ह्यांबाबत चार मुद्दे मांडण्यात आले होते. त्याचबरोबर कठोर कारवाई न करण्याची मागणी, नुकसानभरपाईचा प्रश्न आणि पाच सूत्री सुधारणा प्रस्ताव यावरही दोन्ही बाजूंमध्ये सविस्तर चर्चा झाली. चर्चेनंतर सरकारने आंदोलनकर्त्यांच्या प्रमुख मागण्यांबाबत सकारात्मक भूमिका घेतल्याचे नड्डा यांनी स्पष्ट केले.
हेही वाचा : Inside Story: CM फडणवीसांना तडकाफडकी बोलावलं दिल्लीला, पण या मीटिंगची आतली कहाणी भलतीच!
'आंदोलनकर्त्यांविरोधात पुढील काळात कोणतीही कारवाई केली जाणार नाही'
पत्रकार परिषदेत बोलताना नड्डा म्हणाले की, आंदोलनाच्या काळात दिल्ली पोलिस किंवा भाजपशासित राज्यांमध्ये आंदोलनकर्त्यांविरोधात दाखल करण्यात आलेल्या एफआयआरची माहिती संबंधितांना दिली जाईल आणि त्या गुन्ह्यांबाबत कारवाई मागे घेण्याची प्रक्रिया राबवली जाईल. आंदोलनाच्या पार्श्वभूमीवर आयोजक किंवा आंदोलनकर्त्यांविरोधात पुढील काळात कोणतीही कारवाई केली जाणार नाही, अशी भूमिकाही सरकारने स्वीकारली आहे. आंदोलनाशी संबंधित कोणावरही पुढील कायदेशीर कारवाई होणार नसल्याचे सरकारने मान्य केल्याचे त्यांनी सांगितले.