लातूर : फोटोग्राफरकडून 16 वर्षीय अनाथ मुलीवर वारंवार अत्याचार, त्रासाला कंटाळून पीडितेची आत्महत्या
Latur Crime News : पोलिसांकडून मिळालेल्या माहितीनुसार, प्रथमेश शंकर अकोले असे आरोपीचे नाव असून तो फोटोग्राफी व्यवसाय करतो. इयत्ता अकरावीत शिक्षण घेत असलेल्या या अल्पवयीन मुलीशी त्याने ओळख वाढवली. प्रेमाचे नाते असल्याचे भासवत तसेच लग्नाचे आमिष दाखवत त्याने विश्वास संपादन केला. फोटो काढण्याच्या निमित्ताने तो तिच्याशी अधिक जवळीक साधत गेला.
ADVERTISEMENT
बातम्या हायलाइट
लातूर : 16 वर्षीय अनाथ मुलीवर फोटो व्हायरल धमकी देत वारंवार अत्याचार,
त्रासाला कंटाळून पीडितेची आत्महत्या
निलंगा (जि. लातूर) : फोटो सोशल मीडियावर व्हायरल करण्याची धमकी देत एका अल्पवयीन मुलीवर वारंवार अत्याचार केल्याचा गंभीर प्रकार निलंगा तालुक्यात उघडकीस आला आहे. सततच्या ब्लॅकमेलिंग आणि मानसिक छळाला कंटाळून 16 वर्षीय अनाथ मुलीने आत्महत्या केल्याची घटना शुक्रवारी सायंकाळी घडली. या प्रकरणी निलंगा पोलिस ठाण्यात आरोपीविरोधात अत्याचार करुन आत्महत्येस प्रवृत्त केल्याप्रकरणी विविध कलमान्वये गुन्हा दाखल करण्यात आला आहे.
पोलिसांकडून मिळालेल्या माहितीनुसार, प्रथमेश शंकर अकोले असे आरोपीचे नाव असून तो फोटोग्राफी व्यवसाय करतो. इयत्ता अकरावीत शिक्षण घेत असलेल्या या अल्पवयीन मुलीशी त्याने ओळख वाढवली. प्रेमाचे नाते असल्याचे भासवत तसेच लग्नाचे आमिष दाखवत त्याने विश्वास संपादन केला. फोटो काढण्याच्या निमित्ताने तो तिच्याशी अधिक जवळीक साधत गेला.
दरम्यान, आरोपीने मुलीचे काही फोटो काढले आणि त्याचाच वापर करून तिला धमकावण्यास सुरुवात केल्याचा आरोप आहे. “फोटो सोशल मीडियावर टाकून बदनामी करीन” अशी भीती दाखवत तो तिला सातत्याने ब्लॅकमेल करत होता. या धमक्यांच्या आधारे त्याने तिच्यावर वारंवार अत्याचार केल्याचे तक्रारीत नमूद करण्यात आले आहे.
हेही वाचा : कल्याणमध्ये स्वकियांकडून ठाकरेंचा घात? वरिष्ठ नेत्याकडून परस्पर आदेश? अर्ज माघारी घेणाऱ्या उमेदवाराचे आरोप
हे वाचलं का?
