तो 'अनलकी बंगला' एकाही मंत्र्याला नको?, रामटेकचा काय आहे इतिहास?
Ramtek Bungalow: Many ministers believe that the government bungalow in Ramtek is unlucky. That's why ministers don't want it. Know why it is said that.
ADVERTISEMENT
बातम्या हायलाइट
रामटेक बंगल्यावरून वेगळीच चर्चा
चंद्रशेखर बावनकुळे रामटेक बंगला नको?
पंकजा मुंडे रामटेक बंगला घेणार?
मुंबई: महाराष्ट्रातील नव्या सरकारच्या मंत्र्यांसाठी बंगल्यांचे नुकतेच वाटप झाले आहे. पण या सगळ्यात मलबार हिल येथे असलेल्या 'रामटेक' बंगल्याबाबत सध्या जोरदार चर्चा सुरू आहे. कारण या बंगल्याचा ताबा घेण्यास कोणीही तयार नसल्याचं समजतं आहे. कारण अनेक मंत्री हा बंगला 'अनलकी' समजतात. सामान्य प्रशासनाकडून जी यादी जाहीर करण्यात आली त्यानुसार रामटेक हा बंगला महसूल मंत्री चंद्रशेखर बावनकुळे, जे भाजपचे प्रदेशाध्यक्ष देखील आहेत त्यांना देण्यात आला आहे.
पंकजा मुंडे रामटेक बंगल्यात राहण्यास तयार
दरम्यान, बावनकुळे हा बंगला कॅबिनेट मंत्री पंकजा मुंडे यांच्याशी अदलाबदल करण्याचा प्रयत्नात असल्याची माहिती सूत्रांनी दिली आहे. रामटेक बंगला हा अत्यंत महत्त्वाच्या ठिकाणी असून अगदी समुद्र किनाऱ्याला लागून आहे. मात्र असं असलं तरीही या बंगल्यात राहणारे मंत्री एकतर भ्रष्टाचाराच्या आरोपात अडकतात किंवा पुन्हा मंत्री होऊ शकत नाहीत, असे बोलले जाते.
हे ही वाचा>> Suresh Dhas : "मुख्यमंत्री किंवा दोन्ही उपमुख्यमंत्र्यांपैकी कुणीही बीडचं पालकमंत्रिपद...."; सुरेश धस यांचा मुंडेंना थेट विरोध?
पण सूत्रांच्या माहितीनुसार, पंकजा मुंडे या मात्र 'रामटेक' बंगला घेण्यास तयार आहेत. कारण त्यांचे वडील गोपीनाथ मुंडे हे मंत्री असताना याच बंगल्यात राहत होते. त्यामुळेच या बंगल्याशी पंकजा यांचे भावनिक नाते असल्याचे बोलले जात आहे.
रामटेक बंगल्याचा इतिहास
छगन भुजबळ : काँग्रेस-राष्ट्रवादी काँग्रेस यांच्या आघाडी सरकारच्या काळात भुजबळांना हा बंगला मिळाला होता. यावेळी मंत्री असताना तेलगी घोटाळा समोर आला होता. या स्टॅम्प पेपर घोटाळ्यात भुजबळांवर काही गंभीर आरोप झाले होते. त्यामुळे त्यांना मंत्रिपदाचा राजीनामा द्यावा लागला होता.
हे वाचलं का?
