अजित पवारांच्या राष्ट्रवादीने उमेदवारी दिलेल्या 25 वर्षीय महिलेचा मृत्यू, प्रचाराला जात असताना काय घडलं?
Maharashtra Politics : अजित पवारांच्या राष्ट्रवादीने उमेदवारी दिलेल्या महिलेचा मृत्यू, अज्ञात वाहनाने दुचाकीला उडवलं
ADVERTISEMENT
बातम्या हायलाइट
अजित पवारांच्या राष्ट्रवादीने उमेदवारी दिलेल्या महिलेचा मृत्यू
अज्ञात वाहनाने दुचाकीला उडवलं
परतवाडा (अमरावती) : परतवाडा-चांदूर बाजार मार्गावर शनिवारी दुपारी घडलेल्या भीषण अपघातात अकोट नगर परिषद निवडणुकीच्या उमेदवार असलेल्या महिलेचा जागीच मृत्यू झाला आहे. चांदूर बाजार नाका परिसरात दुपारी सुमारे 1 वाजता अज्ञात वाहनाने दुचाकीला दिलेल्या जोरदार धडकेत ही दुर्दैवी घटना घडली. अपघातात महिलेचे पती आणि दोन वर्षीय मुलगी गंभीर जखमी झाली असून त्यांच्यावर रुग्णालयात उपचार सुरू आहेत.
मृत महिलेची ओळख अलमास परवीन शेख सलीम (वय 25, रा. अकोट) अशी झाली आहे. त्या अकोट नगर परिषदेमध्ये राष्ट्रवादी काँग्रेस (अजित पवार गट) यांच्या प्रभाग क्रमांक 4 मधून नगरसेवकपदाच्या उमेदवार होत्या. कुटुंबासह प्रचारासाठी जात असताना हा अपघात घडल्याची माहिती पोलिसांनी दिली आहे.
पोलिसांकडून मिळालेल्या माहितीनुसार, शनिवारी दुपारी अलमास परवीन आपल्या पती शेख सलीम शेख जब्बार आणि दोन वर्षांच्या मुलीसह एमएच 27 डीके 4820 या नंबरच्या दुचाकीवरून परतवाडा ते चांदूर बाजार मार्गाने जात होत्या. यावेळी अज्ञात वाहनाने अचानक दिलेल्या जोरदार धडकेत त्या रस्त्यावर फेकल्या गेल्या. धडक इतकी भयंकर होती की, अलमास परवीन यांच्या डोक्यावर गंभीर दुखापत झाली आणि त्या जागीच ठार झाल्या.
हेही वाचा : विधानसभेला आतून पाठिंबा देण्यासाठी रामभाऊ 35 कोटी देतो म्हणाला, फडणवीसांकडे घेऊन गेला : जयसिंह मोहिते पाटील
हे वाचलं का?
