Mazi Ladki Bahin Yojana: एका कुटुंबातील किती महिलांना मिळणार 1500 रुपये?, फडणवीसांनी केली मोठी घोषणा
Mazi Ladki Bahin Yojana benefit: एका कुटुंबातील किती महिलांना माझी लाडकी बहीण योजनेचा फायदा मिळणार याबाबत मागील काही दिवसांपासून संभ्रम होता. याचबाबत देवेंद्र फडणवीसांनी विधानपरिषदेत नेमकं स्पष्टीकरण दिलं आहे.
ADVERTISEMENT
Devendra Fadnavis: मुंबई: मुख्यमंत्री माझी लाडकी बहीण या योजनचे घोषणा होताच याबाबत एक ना अनेक सवाल उपस्थित होत आहेत. महिलांना सरकारकडून थेट पैसे मिळणार असल्याने या योजनेबाबत संपूर्ण राज्यभरात उत्सुकता आहे. मात्र, यासोबतच अनेक प्रश्नही निर्माण होत आहेत. त्यामुळे मागील दोन दिवसात दोनदा सरकारने या योजनेमध्ये महत्त्वाचे बदल केले. अशाच एका बदलाची घोषणा आज स्वत: राज्याचे उपमुख्यमंत्री देवेंद्र फडणवीस यांनी विधानपरिषदेत बोलताना केली. (mukhyamantri majhi ladki bahin yojana how many women in a family will get rs 1500 devendra fadnavis made a big announcement)
मुख्यमंत्री माझी लाडकी बहीण ही योजना जाहीर झाल्यानंतर ती नेमकी कोणाकोणासाठी लागू आहे. त्याचे नियम, अटी काय यावर बरीच चर्चा झाली. पण यासोबतच कुटुंबातील किती महिलांना ही योजना लागू होणार? हा प्रश्न मागील तीन दिवसांपासून सातत्याने विचारला जात होता. ज्याबाबत आज (3 जुलै) देवेंद्र फडणवीस यांनी विधानपरिषेदत नेमकी माहिती दिली.
हे ही वाचा>> Mazi Bahin Ladki Yojana : उत्पन्नाचा दाखला, रहिवाशी प्रमाणपत्र नाही? मग असा भरा अर्ज
पाहा नेमकं काय म्हणाले देवेंद्र फडणवीस?
'एक मोठी मागणी येत होती की, या योजनेचा गैरवापर होऊ नये म्हणून एका कुटुंबातील दोन महिलांना 1500 रुपये प्रतिमहा देण्याचा निर्णय झाला आहे. कुटुंबात एक विवाहित महिला असेल तर एका अविवाहित महिलेला देखील पैसे देण्याचा निर्णय झाला आहे. त्यामुळे यामध्ये कोणतीही विषमता किंवा आम्ही कुटुंब नियोजन करून चूक केली का? असा जो सवाल येतो त्या प्रश्नाचं देखील उत्तर हे या माध्यमातून आपण दिलेलं आहे.'
अशी माहिती देत देवेंद्र फडणवीस यांनी या योजनेबाबत असलेला काहीसा संभ्रम हा दूर केला.
हे वाचलं का?
