Muncipal Corporation Election: पिंपरी-चिंचवड महापालिका निवडणुकीची तारीख जाहीर, 'या' तारखेला होणार मतदान
Pimpri-Chinchwad Corporation Voting Date: राज्य निवडणूक आयोगाने आज (15 डिसेंबर) पत्रकार परिषद घेऊन महापालिका निवडणुकांची घोषणा केली. जाणून घ्या पिंपरी-चिंचवड महापालिकेसाठी किती तारखेला मतदान होणार आहे.
ADVERTISEMENT
मुंबई: महाराष्ट्रातील स्थानिक स्वराज्य संस्थांच्या निवडणुकांना वेग आला असून, राज्यातील तब्बल 29 महानगरपालिकांच्या निवडणुकांचा कार्यक्रम आज (15 डिसेंबर) राज्य निवडणूक आयोगाकडून जाहीर करण्यात आला. सुप्रीम कोर्टाने 31 जानेवारी 2026 पर्यंत सर्व प्रलंबित निवडणुका पूर्ण करण्याचे निर्देश दिले असल्याने आयोगाने तयारी पूर्ण केली आहे. यात मतदार यादीच्या सुधारित कार्यक्रमानुसार अंतिम यादी 27 डिसेंबरला जाहीर होईल. जाणून घ्या पिंपरी-चिंचवड महापालिकेसाठी नेमकं कधी मतदान होणार
निवडणुकांची पार्श्वभूमी आणि वेळापत्रक
महाराष्ट्रात सध्या 29 महानगरपालिकांचे कार्यकाळ संपलेले किंवा प्रलंबित आहेत. यात 'अ' वर्गातील मुंबई, पुणे, नागपूरसह इतर प्रमुख शहरांचा समावेश आहे. सुप्रीम कोर्टाच्या निर्देशानुसार, 31 जानेवारी 2026 पर्यंत निवडणुका पूर्ण करणे बंधनकारक आहे. राज्य निवडणूक आयोगाने मतदार यादीचा सुधारित कार्यक्रम 9 डिसेंबरला जाहीर केला असून, प्रारूप यादीवर हरकती घेण्याची मुदत वाढवली आहे. अंतिम मतदार यादी 27 डिसेंबरला प्रसिद्ध होईल.
पिंपरी-चिंचवड महापालिकेसाठी किती तारखेला होणार मतदान आणि मतमोजणी
राज्य निवडणूक आयोगाने जाहीर केल्यानुसार पिंपरी-चिंचवड महापालिकेसाठी 15 जानेवारी 2026 रोजी मतदान होईल. तर 16 जानेवारी 2026 तारखेला मतमोजणी होऊन निकाल जाहीर केला जाईल.
महाराष्ट्रातील कोणत्या 29 महानगरपालिकांमध्ये होणार निवडणुका?
बृहन्मुंबई महानगरपालिका (BMC)
ठाणे महानगरपालिका
उल्हासनगर महानगरपालिका
कल्याण-डोंबिवली महानगरपालिका
नवी मुंबई महानगरपालिका
पुणे महानगरपालिका
पिंपरी-चिंचवड महानगरपालिका
नाशिक महानगरपालिका
नागपूर महानगरपालिका
छत्रपती संभाजीनगर (औरंगाबाद) महानगरपालिका
सोलापूर महानगरपालिका
अमरावती महानगरपालिका
अकोला महानगरपालिका
कोल्हापूर महानगरपालिका
सांगली-मिरज-कुपवाड महानगरपालिका
जळगाव महानगरपालिका
अहमदनगर महानगरपालिका
धुळे महानगरपालिका
चंद्रपूर महानगरपालिका
परभणी महानगरपालिका
लातूर महानगरपालिका
नांदेड-वाघाळा महानगरपालिका
भिवंडी-निजामपूर महानगरपालिका
मालेगाव महानगरपालिका
गोंदिया महानगरपालिका
वर्धा महानगरपालिका
यवतमाळ महानगरपालिका
पनवेल महानगरपालिका
वसई-विरार महानगरपालिका
हे वाचलं का?
