पीएम मोदींच्या मुंबई दौऱ्याआधी 'गरीबी छुपाओ अभियान', झोपडपट्ट्या पडद्याने झाकल्या, काँग्रेसचा आरोप
PM Modi Mumbai visit : पीएम मोदींच्या मुंबई दौऱ्याआधी 'गरीबी छुपाओ अभियान', झोपडपट्ट्या पडद्याने झाकल्या, काँग्रेसचा आरोप
ADVERTISEMENT
बातम्या हायलाइट
पीएम मोदींच्या मुंबई दौऱ्याआधी 'गरीबी छुपाओ अभियान'?
पीएम मोदींच्या मुंबई दौऱ्याआधी 'गरीबी छुपाओ अभियान', झोपडपट्ट्या पडद्याने झाकल्या, काँग्रेसचा आरोप
Mumbai : पंतप्रधान नरेंद्र मोदी यांच्या मुंबई दौऱ्याच्या पार्श्वभूमीवर काँग्रेसने भाजप व महायुती सरकारवर जोरदार निशाणा साधला आहे. जोगेश्वरी परिसरात झोपडपट्ट्यांसमोर मोठे पडदे लावण्यात आले असून, काँग्रेसने या कृतीला "गरीबी छुपाओ अभियान" असे नाव दिले आहे. काँग्रेसचा आरोप आहे की, पंतप्रधान मोदींच्या आगमनाआधी सरकारला झोपडपट्टीत राहणाऱ्या गरीब नागरिकांची आणि त्यांच्या वास्तवाची लाज वाटतेय, म्हणून त्यांना पडद्यामागे लपवले जात आहे.
काँग्रेसची पंतप्रधान मोदीवर जोरदार टीका
काँग्रेस प्रवक्ते सचिन सावंत यांनी त्यांच्या अधिकृत सोशल मीडिया हँडलवरून सरकारवर जोरदार हल्ला चढवला आहे. “झोपडपट्टीत राहणाऱ्या मुंबईकरांची इतकी शरम वाटतेय की पडदे लावून त्यांना लपवण्याची व्यवस्था केली आहे! पडद्यामागे गरीबी, अस्वच्छता, कचरा, बकालपणा आणि लोकांचे दुःख लपवाल, पण भाजपा ची गरीबांबद्दलची घृणा आणि माणुसकीशून्य मानसिकता कशी लपवाल?” असा सवाल सचिन सावंत यांनी उपस्थित केला आहे.
हेही वाचा : बाईक टॅक्सी चालकाने तरुणीला आधी धमकावले, नंतर तिच्यावर लैंगिक शोषण करत... नेमकं काय घडलं?
काँग्रेसने पुढे म्हटलं आहे की, "अहमदाबादमधील ‘नमस्ते ट्रम्प’ कार्यक्रमाला, मुंबईतील G20 परिषदेला आणि आता पीएम मोदींच्या गोरेगाव दौर्‍याला प्रत्येक वेळी पडद्यामागे भारताची खरी वस्तुस्थिती लपवण्याचा प्रयत्न सुरू आहे."
हे वाचलं का?
