चुकीच्या पक्षातील योग्य माणूस

राघव चड्ढा यांनी अत्यंत मार्मिक आणि थेट टिप्पणी करत स्वतःचे वर्णन 'चुकीच्या पक्षातील योग्य माणूस' असे केले. त्यांनी सांगितले की, पक्षाचे सध्याचे स्वरूप त्याच्या सुरुवातीच्या तत्त्वांशी जुळत नसल्यामुळे त्यांना पक्षात गुदमरल्यासारखे वाटत होते.

हे ही वाचा : अकोला : भोंदूबाबाचा चिमुकल्यांसोबत अघोरी प्रकार, दातांनी पकडून फिरवायचा, खिळ्यांच्या पाटावर...

हे खासदार जाणार भाजपसोबत

राघव चड्ढा यांनी माहिती दिली की, 'आप'चे दोन-तृतीयांश पेक्षा जास्त राज्यसभा खासदार त्यांच्यासोबत आहेत आणि त्यांनी स्वाक्षरीदेखील केली आहे. यामध्ये हरभजन सिंह, स्वाती मालीवाल, राजेंद्र गुप्ता, संदीप पाठक, विक्रमजीत साहनी आणि अशोक मित्तल यांच्यासह अनेक नेत्यांचा समावेश आहे. राज्यसभेत 'आप'चे 10 खासदार असून त्यापैकी 7 पंजाबचे आणि 3 दिल्लीचे आहेत.

हे ही वाचा : गायकवाडांनी धमक्या दिल्या, अंबींची पोलीस ठाण्यात धाव, सरोदेंमार्फत दाखल केलेली तक्रार जशीच्या तशी

संविधानातील तरतुदींनुसार भाजपमध्ये विलीन होणार

संदीप पाठक आणि अशोक मित्तल यांच्यासह एका पत्रकार परिषदेला संबोधित करताना 'आप' खासदार राघव चड्ढा म्हणाले, 'आम्ही निर्णय घेतला आहे की, आम्ही राज्यसभेतील 'आप'चे 2/3 सदस्य भारताच्या संविधानातील तरतुदींचा वापर करून भाजपमध्ये विलीन होऊ.' ते पुढे म्हणाले की, 'ज्या 'आप'ला मी माझ्या तारुण्याची 15 वर्षे दिली, ती पार्टी आता आपल्या तत्त्वांपासून, मूल्यांपासून आणि मूळ नैतिकतेपासून भरकटली आहे. आता हा पक्ष देशाच्या हितासाठी नाही, तर स्वतःच्या वैयक्तिक फायद्यासाठी काम करतो. गेल्या काही वर्षांपासून मला असे वाटत होते की मी चुकीच्या पक्षात असलेला योग्य माणूस आहे. म्हणूनच, आज आम्ही जाहीर करतो की मी स्वतःला 'आप'पासून वेगळे करत आहे आणि जनतेच्या जवळ जात आहे.'