गायकवाडांनी धमक्या दिल्या, अंबींची पोलीस ठाण्यात धाव, सरोदेंमार्फत दाखल केलेली तक्रार जशीच्या तशी
Prashant Ambi registered case against Sanjay Gaikwad : शिवाजी कोण होता? या पुस्तकाचे प्रकाशक प्रशांत अंबी यांनी आमदार संजय गायकवाड विरोधात पोलीस ठाण्यात तक्रार दाखल केली आहे. वकील असीम सरोदे यांच्यामार्फत त्यांनी राजाराम पोलीस ठाण्यात तक्रार दिली आहे.
ADVERTISEMENT
बातम्या हायलाइट
गायकवाडांनी धमक्या दिल्या, अंबींची पोलीस ठाण्यात धाव
सरोदेंमार्फत दाखल केलेली तक्रार जशीच्या तशी
Prashant Ambi registered case against Sanjay Gaikwad, कोल्हापूर : कॉम्रेड गोविंद पानसरे लिखित 'शिवाजी कोण होता?' या पुस्तकाच्या शिर्षकावर आणि पुस्तकातील मजकूरावर आक्षेप घेत आमदार संजय गायकवाड यांनी प्रकाशाला शिवीगाळ केली होती. शिवाय, शिवाजी कोण होता? या पुस्तकाचे प्रकाशक प्रशांत अंबी यांना फोनवर वारंवार शिवीगाळ करत संजय गायकवाडांनी "तुला घरात घुसून मारु, पानसरेंना भेटायला वर जा", अशा प्रकारे धमक्याही दिल्या होत्या. आता या प्रकरणात प्रशांत अंबी यांनी वकील असीम सरोदे यांच्यामार्फत राजाराम पोलीस ठाण्यात तक्रार दाखल केली आहे. या तक्रारीत नेमकं काय आहे? सविस्तर जाणून घेऊयात...
प्रशांत अंबी यांनी सरोदेंमार्फत दाखल केलेली तक्रार जशीच्या तशी
फोनवर अश्लील शिवीगाळ करणे, छत्रपती शिवाजी महाराजांचा अपमान करणे, माझी जीभ कापण्याची व घरात घुसून जीवे मारण्याची धमकी दिल्याबाबत संजय गायकवाड या बुलढाणा येथील आमदारा विरोधात फौजदारी तक्रार...
मी प्रशांत श्रीकांत आंबी, रा. राजेंद्रनगर, नवीन वसाहत, कोल्हापूर, विनम्रपणे खालीलप्रमाणे तक्रार दाखल करीत आहे. मी गेली अनेक वर्षे कॉम्रेड गोविंद पानसरे लिखित “शिवाजी कोण होता?” हे पुस्तक नाममात्र किंमतीत संपूर्ण महाराष्ट्रभर वितरित करण्याचे काम करीत आहे. या पुस्तकाच्या शीर्षकात “शिवाजी कोण होता?” असा एकेरी उल्लेख का अश्या कारणावरून बुलढाणा येथील आमदार संजय गायकवाड यांनी माझ्याशी वैमनस्य बाळगून मला दिनांक 22 एप्रिल 2026 रोजी मध्यरात्री 12:51 वाजता त्यांच्या 94049083132 नंबर वरून फोन केला. तेव्हा मी माझ्या घरीच होतो. मी त्यांना सुरुवातीलाच म्हणालो की उद्या बोलू कारण रात्री उशिरा कॉल आला होता.
हेही वाचा : गिरीश महाजनांना धारेवर धरणाऱ्या ‘त्या’ महिलेच्या अडचणी वाढल्या, वरळी पोलीस ठाण्यात तक्रार दाखल
