टेलिग्रामच्या संस्थापकावर दहशतवादी कारवाया केल्याचे आरोप, अटक वॉरंट जारी
russia fsb charges telegram founder pavel durov terrorism : रशियाने टेलिग्रामचे संस्थापक पावेल डुरोव्ह यांच्यावर दहशतवादी कारवायांना मदत केल्याचा गंभीर आरोप केला आहे. याप्रकरणी एफएसबीने त्यांच्याविरोधात आंतरराष्ट्रीय अटक वॉरंटही जारी केल्याचा दावा केला आहे.
ADVERTISEMENT
बातम्या हायलाइट
टेलिग्रामचे संस्थापक पावेल डुरोव्ह अडचणीत
डुरोव्ह अडचीत यांच्यावर दहशतवादी कारवाया केल्याचे आरोप
अटक वॉरंट जारी
russia fsb charges telegram founder pavel durov terrorism : रशियाच्या फेडरल सिक्युरिटी सर्व्हिस (एफएसबी)ने बुधवारी टेलिग्रामचे संस्थापक पावेल डुरोव्ह यांच्याविरोधात दहशतवादी कारवायांना मदत केल्याचा गंभीर आरोप दाखल केला आहे. एफएसबीच्या म्हणण्यानुसार, टेलिग्रामला रशियामधील विध्वंसक कारवाया, दहशतवादी हल्ले आणि सायबर फसवणुकीसाठी वापरल्या जाणाऱ्या कथित कंटेटवर कारवाई करण्यात अपयश आले. या प्रकरणात एफएसबीने दुरोव यांच्या विरोधात आंतरराष्ट्रीय अटक वॉरंटही जारी केल्याचा दावा केला आहे. मात्र, या आरोपांवर पावेल डुरोव्ह किंवा टेलिग्रामकडून तत्काळ कोणतीही प्रतिक्रिया देण्यात आलेली नाही.
हेही वाचा : 'आईने आत्महत्या केली नाही...' मुली पाच वर्ष लढल्या; अखेर भयानक सत्य समोर
कंटेट हटवण्यात टेलिग्राम अपयशी
एफएसबीने जारी केलेल्या निवेदनात म्हटले आहे की, टेलिग्रामवर असा कंटेट उपलब्ध होता, जो कथितरित्या युक्रेनच्या विशेष सुरक्षा यंत्रणा तसेच दहशतवादी आणि अतिरेकी संघटनांकडून वापरला जात होता. या माध्यमातून रशियन महासंघामध्ये विध्वंसक कारवाया, दहशतवादी हल्ले, सामूहिक हत्याकांड आणि सायबर फसवणुकीच्या कारवायांचे नियोजन व समन्वय करण्यात आल्याचा आरोप करण्यात आला आहे. एफएसबीच्या मते, अशा प्रकारचा कंटेट हटवण्यात टेलिग्राम अपयशी ठरल्याने ही कारवाई करण्यात आली आहे.
हेही वाचा : Personal Finance: EMI भरत आहात? ही 'एक चूक' तुम्हाला पडू शकते 15 लाखांनी महाग!