'धनंजय मुंडेंनी राजीनामा द्यावा?', राधाकृष्ण विखे-पाटलांचं चक्रावून टाकणारं उत्तर

धनंजय मुंडेंनी राजीनामा दिला पाहिजे का? या प्रश्नावर राधाकृष्ण विखे पाटील यांनी थेट म्हटलं की, 'एसआयटीचा चौकशी अहवाल येऊ दे मग निर्णय होईल.' त्यांच्या या विधानाने आता सर्वांच्या भुवया उंचावल्या आहेत. 

राधाकृष्ण विखे पाटील हे आज सोलापूर दौऱ्यावर होते. त्याचवेळी त्यांनी पंढरपूरमध्ये विठ्ठल-रुक्मिणी मंदिरात जाऊन दर्शन घेतलं. त्यानंतर त्यांनी माध्यमांशी संवाद साधला. जिथे त्यांना धनंजय मुंडेंच्या राजीनामा विषयी विचारण्यात आलं. 

पाहा राधाकृष्ण विखे-पाटील नेमकं काय म्हणाले.. 

'धनंजय मुंडेंचा जो विषय आहे.. सध्या जी काही कायदेशीर कारवाई सुरू आहे. सत्य काय आहे, त्यांच्याबद्दल विनाकारण काही रान पेटवण्याचा प्रयत्न होतो आहे का. आता एसआयटी स्थापन केलेली आहे. ती घोषणा मुख्यमंत्र्यांनी केलेली आहे. सत्य बाहेर येईल त्याप्रमाणे तो पक्ष निर्णय करेल.'