MLA Disqualification Case: भरत गोगावले पुन्हा शिवसेनेचे व्हीप कसे झाले?
Bharat Gogawale: शिवसेना आमदार अपात्रता प्रकरणात भरत गोगावलेंना सुप्रीम कोर्टाने बेकायदेशीर ठरवलेलं असताना देखील राहुल नार्वेकरांनी त्यांची निवड योग्य का ठरवली? समजून घ्या सविस्तरपणे..
ADVERTISEMENT
Shiv sena mla disqualification case and Whip Bharat Gogawale: मुंबई: विधानसभाध्यक्ष राहुल नार्वेकरांनी शिवसेना आमदार अपात्रतेचा निकाल दिला. याच निकालानंतर बऱ्याच जणांनी असा प्रश्नही उपस्थित केला की, सर्वोच्च न्यायालयाने भरत गोगावले यांना व्हीप म्हणून दिलेली मान्यता बेकायदेशीर ठरवल्यानंतरही नार्वेकरांनी पुन्हा गोगावलेंनाच व्हीप म्हणून मान्यता कशी दिली? आता याचबाबत आपण अगदी सविस्तरपणे जाणून घेऊया. (shiv sena mla disqualification case how bharat gogawale was re accredited as whip by assembly speaker narvekar even after supreme court illegal it)
विधानसभाध्यक्ष राहुल नार्वेकरांनी शिवसेनेच्या निकालात म्हटलं की 21 जून 2022 ला मूळ राजकीय पक्ष शिवसेना होता. ज्यावेळेला पक्षात 2 गट तयार झाल्याची नोंद विधिमंडळाकडे होते, त्याच वेळी पक्षाचा जो व्हीप असतो त्याचे अधिकार संपुष्टात येतात, म्हणजेच सुनील प्रभू यांचा व्हीप रद्दबातल ठरतो. विधिमंडळाला एकदा समजलं की पक्षात 2 गट आहेत त्यावेळी त्या 2 पक्षांपैकी मूळ राजकीय कोण हे विधानसभा अध्यक्षांना पाहावं लागतं. आणि मग त्या राजकीय पक्षाने व्हीप म्हणून कोणाला मान्यता दिली आहे ते बघावं लागतं.
हे ही वाचा>> Santosh Bangar: “…तर मी भर चौकात फाशी घेईन”; शिंदेंच्या आमदारांचं चॅलेंज
आता सर्वोच्च न्यायालयाच्या 5 सदस्यीय घटनापीठाने 11 मे 2023 ला दिलेल्या महाराष्ट्र सत्तासंघर्षाच्या निकालात भरत गोगावलेंची नियुक्ती बेकायदेशीर ठरवलेली. पण मग कोर्टाने गोगावलेंची व्हीप म्हणून मान्यता बेकायदेशीर ठरवलेली असताना नार्वेकरांनी पुन्हा त्यांनाच व्हीप म्हणून मान्यता कशी दिली? तर याचं उत्तरही कोर्टाच्याच निकालात दडलेलं आहे.
कोर्टाने निकालात म्हटलेलं..
3 जुलै 2022 ला अध्यक्षपदी निवड झाल्यावर राहुल नार्वेकर यांना कल्पना होती की, शिवसेना विधिमंडळ पक्षामध्ये 2 गट झाले आहेत. जेव्हा एकाच पक्षात दोन व्हीप आणि दोन गटनेते असल्याचा दावा 2 गटांकडून केला जात आहे, यावरून अध्यक्ष हा अर्थ काढू शकतात की शिवसेना पक्षात फूट पडली आहे.
हे वाचलं का?
