IPL2022 : RCB चं स्वप्न भंगलं! राजस्थानची तब्बल एका दशकानंतर अंतिम फेरीत धडक
जॉस बटलरच्या तडाख्यात रॉयल चॅलेंजर्स बंगळुरूचं विजेतेपदाचं स्वप्न धुळीस मिळालं. बटलरच्या तडाखेबंद शतकाच्या बळावर राजस्थान रॉयल्सने दणदणीत विजय मिळवत तब्बल एका दशकानंतर अंतिम फेरीत धडक मारली. राजस्थानने १५८ धावांचं आव्हान तीन गडी गमावत गाठलं. राजस्थानने ११ चेंडू शिल्लक ठेवत बंगळुरूवर विजय मिळवला. जॉस बटलरने या हंगामातील चौथं शकत झळकावत सर्वाधिक शतकांच्या बाबतीत विराट कोहलीशी बरोबरी […]
ADVERTISEMENT
जॉस बटलरच्या तडाख्यात रॉयल चॅलेंजर्स बंगळुरूचं विजेतेपदाचं स्वप्न धुळीस मिळालं. बटलरच्या तडाखेबंद शतकाच्या बळावर राजस्थान रॉयल्सने दणदणीत विजय मिळवत तब्बल एका दशकानंतर अंतिम फेरीत धडक मारली. राजस्थानने १५८ धावांचं आव्हान तीन गडी गमावत गाठलं.
राजस्थानने ११ चेंडू शिल्लक ठेवत बंगळुरूवर विजय मिळवला. जॉस बटलरने या हंगामातील चौथं शकत झळकावत सर्वाधिक शतकांच्या बाबतीत विराट कोहलीशी बरोबरी साधली आहे. विराट कोहलीने आयपीएलच्या २०१६ मधील हंगामात चार शतकं झळकावली होती.
Special night! One more push! ? pic.twitter.com/8DYbTv1wpV
— Jos Buttler (@josbuttler) May 27, 2022
१५८ धावांचं आव्हान स्वीकारत मैदानात उतरलेल्या राजस्थान रॉयल्सने आक्रमक सुरूवात केली. यशस्वी जायस्वालने मोहम्मद सिराजच्या पहिल्याच षटकात दोन षटकार आणि एक चौकार लगावत इरादे स्पष्ट केले. त्यानंतर सिराजच्या दुसऱ्या षटकात जॉस बटलरने दोन चौकार आणि एक षटकार लगावत १५ धावा वसूल केल्या.
हे वाचलं का?
ADVERTISEMENT
तुफानी अंदाजात डावाची सुरूवात केल्यानंतर बटलरने बंगळुरूच्या गोलंदाजांची धुलाई केली. पॉवर प्लेच्या अखेरच्या षटकात यशस्वी जायस्वाल तंबूत परतला. त्याने १३ चेंडूत २१ धावा केल्या. पहिल्या पॉवर प्ले मध्ये राजस्थानने एक गडी गमावत ६७ धावा केल्या.
? ????. ?
— Rajasthan Royals (@rajasthanroyals) May 27, 2022
बटलरचं तुफानी शतक
ADVERTISEMENT
बंगळुरूविरुद्ध जॉस बटलरचा आक्रमक अंदाज बघायला मिळाला. बटलरने हर्षल पटेलच्या चेंडूवर चौकार लगावत २५ चेंडूत अर्धशतक पूर्ण केलं. हसरंगा गोलंदाजीला आल्यानंतर राजस्थानच्या धावसंख्येची गती मंदावली. मात्र, शाहबाजने टाकलेल्या नवव्या षटकात संजू सॅमसनने मोठे फटके लगावले. दहा षटकांअखेर राजस्थानने १०० धावांचा टप्पा गाठला.
ADVERTISEMENT
११व्या षटकात जीवदान मिळाल्यानंतर बटलरने नाबाद खेळी केली. बटलरने ६० चेंडू खेळताना १० चौकार आणि ६ षटकारांच्या मदतीने १०६ धावा केल्या. बटलरने षटकार लगावत राजस्थानच्या विजयावर शिक्कामोर्तंब केलं. राजस्थानकडून बटलरनंतर सर्वाधिक धावा संजू सॅमसनने (२३ धावा) केल्या.
You never run out of runs, but we're running out of words. ??#RoyalsFamily | #HallaBol | #RRvRCB pic.twitter.com/2Xe3JUtwMr
— Rajasthan Royals (@rajasthanroyals) May 27, 2022
कोहली ठरला अपयशी
प्रथम फलंदाजी करताना बंगळुरुची सुरूवात खराब झाली. संघाच्या ९ धावा झालेल्या असताना विराट कोहली बाद झाला. डुप्लेसी आणि रजत पाटीदार (५८ धावा) जबाबदार खेळी करत ७० धावांची भागीदारी केली. तर मॅक्सवेलने फटकेबाजी करत धावसंख्या वाढण्याचा प्रयत्न केला. मॅक्सवेल बाद झाल्यानंतर बंगळुरूचे फलंदाज ठराविक अंतराने बाद होत गेले.
राजस्थान २००८ नंतर अंतिम फेरीत
बंगळुरूचा पराभव करत राजस्थानने अंतिम फेरीत प्रवेश केला आहे. यापूर्वी २००८ मध्ये राजस्थान अंतिम फेरीत पोहोचली होती. आता आयपीएलच्या विजेतेपदासाठी गुजरात टायटन्स (GT) आणि राजस्थान रॉयल्समध्ये लढत होणार आहे. नरेंद्र मोदी स्टेडियमवर हा सामना होणार आहे.
ADVERTISEMENT