Tokyo Olympics मध्ये पदकविजेत्या खेळाडूंचा BCCI करणार सत्कार, जय शहांची घोषणा

बीसीसीआयचे सचिव जय शहा यांनी केलेल्या घोषणेनुसार, सुवर्णपदक विजेत्या नीरज चोप्राला १ कोटी, रौप्यपदक विजेत्या मीराबाई चानू आणि रवी कुमारला प्रत्येकी ५० लाख तर कांस्य पदक विजेत्या पी.व्ही.सिंधू, लोवलिना बोर्गोहेन, बजरंग पुनिया यांना प्रत्येकी २५ लाखांचं बक्षीस जाहीर करण्यात आलं आहे. तसेच ४१ वर्षांनी ऑलिम्पिकमध्ये पदकाची कमाई करणाऱ्या भारतीय हॉकी संघालाही बीसीसीआयने १ कोटी २५ लाखांचं बक्षीस जाहीर केलं आहे.

INR 1 Cr. – ? medallist @Neeraj_chopra1

50 lakh each – ? medallists @mirabai_chanu & Ravi Kumar Dahiya

25 lakh each – ? medallists @Pvsindhu1, @LovlinaBorgohai, @BajrangPunia

INR 1.25 Cr. – @TheHockeyIndia men's team @SGanguly99| @ThakurArunS| @ShuklaRajiv

— Jay Shah (@JayShah) August 7, 2021

हरियाणाचे मुख्यमंत्री मनोहरलाल खट्टर यांनी नीरजचा सामना पाहताना लठ गाड़ दिया छोरे ने असं म्हणत त्याचं कौतुक केलंय. हरियाणा सरकारने या कामगिरीसाठी नीरज चोप्राला सहा कोटींचं बक्षीस आणि सरकारी नोकरी देण्याची घोषणा केली आहे. तसेच याचसोबत नीरज चोप्राला सरावासाठी पंचकुला येथे सवलतीच्या दरात जागा देण्याची तयारीही हरियाणा सरकारने दाखवली आहे.

१ सुवर्ण, २ रौप्य आणि ४ कांस्य पदक अशा ७ पदकांसह ऑलिम्पिकतमधली भारताची ही आतापर्यंतची सर्वोत्तम कामगिरी मानवली जात आहे. नीरजने ८७.५८ मी. लांब भाला फेकत सुवर्णपदकावर नाव कोरलं.

लठ गाड़ दिया छोरे ! Tokyo Olympics गाजवणाऱ्या नीरज चोप्रावर शुभेच्छांचा वर्षाव