big bash league : गोलंदाजांनी घडवला इतिहास, अवघ्या 15 धावात संपूर्ण संघ गारद!

बिग बॅश लीग क्रिकेट स्पर्धेच्या यंदाच्या हंगामात क्रिकेट रसिकांना अविश्वसनीय सामना बघायला मिळाला. बिग बॅश लीग च्या पाचव्या सामन्यात आज एडिलेट स्ट्रायकर्सच्या गोलंदाजांनी कमाल केली. सिडनी थंडर्स आणि एडिलेट स्ट्रायकर्स यांच्यात सामना झाला.

सिडनीतील मैदानावर झालेल्या या सामन्यात एडिलेट स्ट्रायकर्स संघाने नाणेफेक जिंकत प्रथम फलंदाजी करण्याचा निर्णय घेतला. प्रथम फलंदाजी करताना एडिलेट स्ट्रायकर्सने 9 गडी गमावत 139 धावा केल्या.

15… 15!!! We're still in shock.

Watch every Thunder wicket below #BBL12

— cricket.com.au (@cricketcomau) December 16, 2022

big bash league : हेनरी आणि एगरचा भेदक मारा

एडिलेट स्ट्रायकर्सने 20 षटकात 139 धावाचं आव्हान दिल्यानंतर सिडनी थंडर्स सहज मिळवेल असंच चित्र होतं. मात्र, एडिलेट स्ट्रायकर्सच्या गोलंदाजांनी सामन्याचा निकालच बदलून टाकला. इतकंच नाही, तर टी20 क्रिकेटमध्ये ऐतिहासिक कामगिरी केली.

एडिलेट स्ट्रायकर्सचे जलदगती गोलंदाज हेनरी थॉर्टन आणि वेस एगर यांनी भेदक मारा केला. दोघांच्या माऱ्यासमोर सिडनी थंडर्सच्या फलंदाजांचा निभावच लागला नाही. दोघांनी मिळून सिडनी थंडर्सच्या 9 फलंदाजांना माघारी पाठवले.

Two matches. Nine wickets. @KFCAustralia #BBL12 pic.twitter.com/BlUiHxiV3v

— KFC Big Bash League (@BBL) December 16, 2022

सिडनी थंडर्सचा संपूर्ण संघ 5.5 षटकात म्हणजे अवघ्या 35 चेंडूच खेळू शकला. अवघ्या 15 धावात सिडनी थंडर्सचा सगळा संघ माघारी परतला. एडिलेट स्ट्रायकर्सने हा सामना तब्बल 124 धावांनी जिंकला. हेनरीला प्लेअर ऑफ द मॅचने गौरवण्यात आलं. हेनरी 2.5 षटकात 3 धावा देत 5 गडी बाद केले. एगरने 2 षटकात 6 धावा देत 4 गडी बाद केले.

सिडनी थंडर्सचे फलंदाजांनी टाकल्या नांग्या

सिडनी थंडर्सच्या एकही फलंदाजाला 10 धावाही करता आल्या नाही. सिडनी थंडर्सचे खेळाडू 0,0,3,0,2,1,1,0,0,4,1 अशा धावा करून बाद झाले. सिडनी थंडर्सच्या सलामीवीरांना खातेही उघडता आले नाही.

WHAT A LEAP!!

Matt Short gets vertical to kickstart an incredible collapse from the Thunder! #BBL12 pic.twitter.com/3no1FN73uE

— cricket.com.au (@cricketcomau) December 16, 2022

सिडनी थंडर्सच्या नावे मानहानीकारक इतिहास

सिडनी थंडर्सचा संघ 15 धावात बाद झाल्याने त्यांच्या नावे मानहानीकारक इतिहास नोंदवला गेलाय. सिडनी टीमने टी 20 फॉर्मेटमध्ये सर्वात कमी धावसंख्या केली. सिडनी संघाने तीन वर्षांपूर्वी टर्की संघाच्या नावे असलेला रिकॉर्ड तोडला. टर्की संघाने 30 ऑगस्ट 2019 रोजी चेक रिपब्लिक विरुद्धच्या सामन्यात 8.3 षटकात 21 धावाच केल्या होत्या.