Glenn Maxwell : वेदनेने कासावीस, तरीही खेळला; मॅक्सवेलने मोडला कपिल देव यांचा विक्रम

भारतात खेळल्या जात असलेल्या एकदिवसीय विश्वचषक 2023 मध्ये ऑस्ट्रेलियन स्टार खेळाडू ग्लेन मॅक्सवेलने अफगाणिस्तानविरुद्ध 128 चेंडूत 201 धावांची नाबाद खेळी करत अनेक ऐतिहासिक विक्रम आपल्या नावावर केले आहेत. त्याने आपल्या खेळीत 10 षटकार आणि 21 चौकार मारले. एकदिवसीय आंतरराष्ट्रीय सामन्यात लक्ष्याचा पाठलाग करताना मॅक्सवेलने सर्वोच्च वैयक्तिक धावसंख्येचा विक्रमही केला आहे. याशिवाय त्याने अनेक मोठे विक्रमही केले.

वेदनेने कण्हत असलेल्या मॅक्सवेलने मानली नाही हार आणि जिंकला

मुंबईतील वानखेडे येथे खेळल्या गेलेल्या या सामन्यात अफगाणिस्तान संघाने नाणेफेक जिंकून प्रथम फलंदाजी करत 292 धावांचे लक्ष्य दिले. कांगारूंनी 7 गडी गमावून हे लक्ष्य गाठले. यासोबतच दोन मोठे विक्रमही झाले आहेत. वानखेडेवरील एकदिवसीय सामन्यातील हे आतापर्यंतचे सर्वात मोठे लक्ष्य आहे. तसेच, ऑस्ट्रेलियाने विश्वचषकाच्या इतिहासात सर्वाधिक धावांचा पाठलाग केला आहे.

हे ही वाचा >> World Cup 2023 : भारत-पाकिस्तान सेमी फायनलमध्ये भिडणार? जाणून घ्या समीकरण

फलंदाजी करताना मॅक्सवेलने पाठदुखीची तक्रारही केली होती. तसेच हॅमस्ट्रिंगला गंभीर दुखापत झाली. पण मॅक्सवेलने संपूर्ण सामना लंगडत खेळला. तो मैदानाबाहेर गेला नाही. जबरदस्त उत्साह दाखवत त्याने आपल्या संघाला अविस्मरणीय विजय मिळवून दिला आणि उपांत्य फेरीतील स्थान निश्चित केले.

Thank you India 🇮🇳 for Your Support 🫂💙 #AUSvAFG pic.twitter.com/NIkXkKFXKg

— Glenn Maxwell (@iGlennMaxwell32) November 7, 2023

मॅक्सवेलने मोडला कपिल देवचा विक्रम

आपल्या खेळीच्या जोरावर मॅक्सवेलने 1983 चा विश्वचषक जिंकणारे माजी भारतीय कर्णधार कपिल देव यांचा विक्रमही मोडीत काढला आहे. 292 धावांच्या लक्ष्याचा पाठलाग करताना कांगारू संघाने 91 धावांत 7 विकेट गमावल्या होत्या. यानंतर सहाव्या क्रमांकावर फलंदाजीला आलेल्या मॅक्सवेलने संपूर्ण निकालच बदलून टाकला.

मॅक्सवेललाही 2-3 मोठे जीवदान मिळाले. त्याचा फायदा घेत त्याने तुफानी खेळी करत अफगाणिस्तानच्या जबड्यातून विजय हिसकावून घेतला. मॅक्सवेलने कर्णधार पॅट कमिन्सच्या साथीने 8व्या विकेटसाठी 170 चेंडूत 202 धावांची नाबाद भागीदारी केली.

हे ही वाचा >> Angelo Mathews बॅटिंग न करताच झाला बाद, इतिहासात पहिल्यांदाच घडलं ‘टाइम आऊट’

या द्विशतकाच्या खेळीमुळे मॅक्सवेलने विश्वचषकात कपिल देवचा विक्रम मोडीत काढला आहे. वर्ल्ड कपमध्ये मॅक्सवेलच्या आधी फक्त कपिल देव यांनी 6 व्या क्रमांकावर किंवा त्याखालच्या क्रमांकावर फलंदाजी करताना सर्वाधिक नाबाद 175 धावांची खेळी केली होती. 1983 च्या विश्वचषकात त्यांनी झिम्बाब्वेविरुद्ध ही खेळी केली होती.

विश्वचषकाच्या एका डावात सर्वात कमी स्ट्राईक रेटचा विक्रम (10 पेक्षा जास्त धावा)

16.43 – जॅक हेरॉन (झिम्बाब्वे) विरुद्ध वेस्ट इंडिज, 1983
17.64 – पॅट कमिन्स (ऑस्ट्रेलिया) विरुद्ध अफगाणिस्तान, 2023
18.18 – महमूद कुरेशी (पूर्व आफ्रिका) विरुद्ध न्यूझीलंड, बर्मिंगहॅम, 1975
20 – ख्रिस्तोफर चॅपेल (कॅनडा) विरुद्ध पाकिस्तान, लीड्स, 1979

विश्वचषकातील एका डावात सर्वाधिक षटकार

17 – ऑन मॉर्गन (इंग्लंड) विरुद्ध अफगाणिस्तान, मँचेस्टर, 2019
16 – ख्रिस गेल (वेस्ट इंडिज) विरुद्ध झिम्बाब्वे, कॅनबेरा, 2015
11 – मार्टिन गुप्टिल (न्यूझीलंड) विरुद्ध वेस्ट इंडिज, वेलिंग्टन, 2015
11 – फखर जमान (पाकिस्तान) विरुद्ध न्यूझीलंड, बेंगळुरू, 2023
10 – ग्लेन मॅक्सवेल (ऑस्ट्रेलिया) विरुद्ध अफगाणिस्तान, मुंबई, 2023

एकदिवसीय (चेंडूंमध्ये) सर्वात जलद द्विशतक करणारा मॅक्सवेल ठरला दुसरा खेळाडू

126 चेंडू – इशान किशन (भारत) विरुद्ध बांगलादेश, चितगाव, 2022
128 – ग्लेन मॅक्सवेल (ऑस्ट्रेलिया) विरुद्ध अफगाणिस्तान, मुंबई, 2023
138 – ख्रिस गेल (वेस्ट इंडिज) विरुद्ध झिम्बाब्वे, कॅनबेरा, 2015

एकदिवसीय सामन्यात सलामीवीर नसलेल्या व्यक्तीने केलेली सर्वोच्च वैयक्तिक धावसंख्या

201* – ग्लेन मॅक्सवेल (ऑस्ट्रेलिया) विरुद्ध अफगाणिस्तान, मुंबई, 2023
194* – चार्ल्स कोव्हेंट्री (झिम्बाब्वे) विरुद्ध बांगलादेश, बुलावायो, 2009
189* – व्हिव्हियन रिचर्ड्स (वेस्ट इंडीज) विरुद्ध इंग्लंड, मँचेस्टर, 1984
185 – फाफ डू प्लेसिस (दक्षिण आफ्रिका) विरुद्ध श्रीलंका, केपटाऊन, 2017

हे ही वाचा >> Angelo Mathews ने लगेच घेतला Time Out चा बदला! शाकिबला…; पाहा व्हिडिओ

* याआधी वर्ल्ड कपमध्ये वेस्ट इंडिजच्या व्हिव्हियन रिचर्ड्सने 181 धावांची सर्वोत्तम धावसंख्या केली होती. 1987 मध्ये कराची सामन्यात त्याने श्रीलंकेविरुद्ध ही खेळी केली होती.

7व्या किंवा त्यापेक्षा कमी विकेटसाठी सर्वोच्च भागीदारीचा विक्रम मोडला

202* – ग्लेन मॅक्सवेल आणि पॅट कमिन्स (ऑस्ट्रेलिया) विरुद्ध अफगाणिस्तान, मुंबई, 2023 WC
177 – जोस बटलर आणि आदिल रशीद (इंग्लंड) विरुद्ध न्यूझीलंड, बर्मिंगहॅम, 2015
174* – अफिफ हुसैन आणि मेहदी हसन मिराज (बांगलादेश), चितगाव, 2022
162 – मायकेल ब्रेसवेल आणि मिचेल सँटनर (न्यूझीलंड) विरुद्ध भारत, हैदराबाद, 2023

मॅक्सवेलने केली एकदिवसीय विश्वचषकातील तिसरी सर्वोच्च वैयक्तिक धावसंख्या

237* – मार्टिन गुप्टिल (न्यूझीलंड) विरुद्ध वेस्ट इंडिज, वेलिंग्टन, 2015
215 – ख्रिस गेल (वेस्ट इंडिज) विरुद्ध झिम्बाब्वे, कॅनबेरा, 2015
201* – ग्लेन मॅक्सवेल (ऑस्ट्रेलिया) विरुद्ध अफगाणिस्तान, मुंबई, 2023
188* – गॅरी कर्स्टन (दक्षिण आफ्रिका) वि UAE, रावळपिंडी, 1996
183 – सौरव गांगुली (भारत) विरुद्ध श्रीलंका, टॉंटन, 1999

मॅक्सवेलने वनडेमध्ये धावांचा पाठलाग करताना केली सर्वात मोठी खेळी

201* – ग्लेन मॅक्सवेल (ऑस्ट्रेलिया) विरुद्ध अफगाणिस्तान, मुंबई, 2023 विश्वचषक
193 – फखर जमान (पाकिस्तान) विरुद्ध दक्षिण आफ्रिका, जोहान्सबर्ग, 2021
185* – शेन वॉटसन (ऑस्ट्रेलिया) विरुद्ध बांगलादेश, मीरपूर, 2011
183* – महेंद्रसिंग धोनी (भारत) विरुद्ध श्रीलंका, जयपूर, 2005
183 – विराट कोहली (भारत) विरुद्ध पाकिस्तान, मीरपूर, 2012

* याआधी विश्वचषकात, इंग्लंडच्या अँड्र्यू स्ट्रॉसने भारताविरुद्ध धावांचा पाठलाग करताना सर्वाधिक वैयक्तिक धावसंख्या केली होती. 2011 च्या विश्वचषकात हा सामना बेंगळुरू येथे खेळला गेला होता.

वर्ल्ड कपमध्ये सर्वाधिक षटकार मारण्याचा विक्रम

49 – ख्रिस गेल
४५ – रोहित शर्मा
43 – ग्लेन मॅक्सवेल
37 – एबी डिव्हिलियर्स
37 – डेव्हिड वॉर्नर

मॅक्सवेलची ऑस्ट्रेलियाकडून खेळताना सर्वात मोठी वैयक्तिक धावसंख्या

201* – ग्लेन मॅक्सवेल विरुद्ध अफगाणिस्तान, मुंबई, 2023 विश्वचषक
185* – शेन वॉटसन विरुद्ध बांगलादेश, मीरपूर, 2011
181* – मॅथ्यू हेडन विरुद्ध न्यूझीलंड, हॅमिल्टन, 2007
179 – डेव्हिड वॉर्नर विरुद्ध पाकिस्तान, अॅडलेड, 2017
178 – डेव्हिड वॉर्नर विरुद्ध अफगाणिस्तान, पर्थ, 2015 विश्वचषक