'केवळ मिसाइल सोडून काही होणार नाही, आता...', धीरेंद्र शास्त्री प्रचंड संतापले!

हेही वाचा: PM Modi LIVE: Ceasefire कराराच्या 2 दिवसांनी PM मोदी देशाशी काय बोलणार? उरले अवघे काही तास...

नेमकं काय म्हणाले धीरेंद्र शास्त्री ?

जेव्हा धीरेंद्र पंडीत यांनी भारत पाकिस्तान देशांतील शस्त्रसंधीचा करार करण्यात आला त्यावरून अनेक प्रश्न उपस्थित केले होते. त्यावरून त्यांनी या पाकिस्तानवर कधीही विश्वास ठेवता येणार नाही आणि प्रत्येक करारानंतर त्यांनी युद्धबंदीचे उल्लंघन केलेलं आहे. त्यानंतर त्यांनी पुढे पाकव्याप्त काश्मीरवर भाष्य केलं. 

पाकव्याप्त काश्मीरवर बोलताना ते म्हणाले की, भारतामध्ये पाकव्याप्त काश्मीर समाविष्ट करून घ्यावा, हिच ती वेळ आहे. पंतप्रधानांकडे आणि सैन्यांकडे याहून इतर चांगला वेळ नाही. भारताची पाकव्याप्त जमीन पुन्हा मिळवण्यासाठी ही वेळ आणि काळ महत्त्वाचा आहे. आपल्याला नुसते क्षेपणास्त्र हल्ला करून चालणार नाही. पाकव्याप्त काश्मीर पुन्हा भारताने ताब्यात आणलं जावं. हेच पाकिस्तानसाठी योग्य उत्तर आहे. 

भारताने ऑपरेशन सिंदूरच्या अंतर्गत पाकिस्तानच्या दहशतवादी अड्ड्यांना ड्रोनद्वारे  लक्ष्य केलं आहे. त्यानंतर पाकिस्तानने भारतावर शस्त्रहल्ला केला. पण पाकिस्तानचे सर्व हल्ले हे निष्फळ ठरले. भारतीय सैन्याने याला चोख प्रत्युत्तर दिले आणि पाकिस्तानला घुडघे टेकण्यासा भाग पाडले गेले. त्यानंतर पाकिस्तानने शस्त्रसंधीची मागणी केली. यानंतर दोन्ही देशांनी सायंकाळी 5 वाजता हा करार लागू केला. मात्र, काही वेळानंतर पाकिस्तानने पुन्हा कराराचे उल्लंघन केलं. 

हेही वाचा: "पापाचा घडा भरला होता, पाकिस्तानला धडा शिकवणं गरजेचं होतं...", लेफ्टनंट जनरल म्हणाले आरपारची तयारी होती

ऑपरेशन सिंदूर अद्यापही सुरूच

भारताच्या भूमीवर दहशतवादाची पुनरावृत्ती झाली तर त्याचे रुपांतर हे युद्धात होईल, असे सरकारने आपले स्पष्टीकरण दिले आहे. दरम्यान, भारताने शस्त्रसंधीचा करार जारी केला आहे. पण ऑपरेशन सिंदूर अद्यापही सुरूच आहे. हा करार फक्त हल्ले थांबवण्यासाठी करण्यात आला आहे. दरम्यान, कारवाईला पुन्हा सुरूवात होऊ शकते.